Home » Magazine » Madhurima » Magzine, Madhurima, Recipi

रेसिपी -मुगाचे लाडू

सुमती अरकडी, नाशिक. | Oct 13, 2011, 22:58PM IST
रेसिपी -मुगाचे लाडू

मुगाचे लाडू

साहित्य- 4 वाट्या मुगाच्या डाळीचे रवाळ पीठ, 3 वाट्या पिठीसाखर, किसमिस, वेलची पूड, 1 चमचा तूप, थोडे दूध.

कृती- जाड बुडाच्या कढईत तूप टाकून पीठ लालसर भाजावे. भाजत आले की त्यावर थोडा दुधाचा शिपका द्यावा. परातीत काढल्यावर थोडे गार झाल्यावर पिठीसाखर व वेलची पूड घालावी. नंतर चांगले मळावे. मळल्याने लाडू हलका होतो. लाडू वळावे, वरून किसमिस लावावे.

कोकणी निगवऱया

साहित्य- 2 वाट्या तांदळाचे पीठ, 1 वाटी नारळाचा चव, 3-4 हिरव्या मिरच्या, अर्धी वाटी मटार, कोथिंबीर 1 चमचा, जिरे, साखर, मीठ चवीप्रमाणे, तेल

कृती- तांदळाच्या पिठाची उकड काढावी. मटार वाफवून घ्यावेत. मटार, खोबरे, मिरच्या, जिरे, कोथिंबीर याचे वाटण करावे. नंतर एका बाऊलमध्ये तांदळाची उकड, वाटलेले सारण, मीठ, साखर व थोडे तेल घालून कालवून त्याचे मुटके करावेत. पातेल्यात पाणी घालून व चाळणी ठेवून मुटके वाफवून घ्यावेत किंवा कुकरची शिट्टी काढून वाफवले तरी चालतात. 15 मि. ठेवावे. गार झाल्यावर तुपाबरोबर खावयास द्यावेत.

नारळीपाक लाडू

साहित्य- चार वाट्या रवा, 2 वाट्या नारळाचा चव, 4 वाट्या साखर, 8-10 किसमिस, जायफळ वेलची पूड 1-1 चमचा, दीड वाटी.

कृती- कढईत तूप टाकून रवा लालसर भाजावा. नंतर नारळाचा चव भाजून घ्यावा. साखरेत पाणी घालून एकतारी पाक करावा. नंतर त्यात रवा, नारळ, वेलची, जायफळ पूड किसमिस घालावे व हलवून घट्ट होईपर्यंत ठेवावे. घट्ट झाल्यावर लाडू वळावेत.

लाल भोपळ्याची बोंडे

साहित्य- 1 वाटी लाल भोपळ्याच्या फोडी, अर्धी वाटी गूळ, अर्धी वाटी साखर, 1 वाटी खोब-याचा किस, 2 चमचे तीळ, 1 चमचा वेलची पूड, एक चिमूट सोडा, चवीपुरते मीठ, कणीक, तेल.

कृती- भोपळ्याच्या फोडी वाफवून त्यात गूळ व साखर घालावी. मऊ झाल्यावर गार होऊ द्या. नंतर बारीक करून त्यात खोब-याचा किस, तीळ, मीठ, सोडा घालून मावेल त्या प्रमाणात कणीक घालावी. थोडे पाणी घालून एकत्र करावे. तेल गरम करून त्यात भज्यांप्रमाणे बोंडे तळावीत.

वाचकांचे विचार
 
तुमचे विचार पोस्ट करण्यासाठी लॉग ऑन करा.

लॉग ऑन करा:
किंवा
तुमच्याबद्दल सांगा
 
 

दाखविले जाईल

 
 

दाखविले जाईल

 
Code:
3 + 8

 
 
 
जाहिरात

ठळक बातम्या

वाचकांची आवड

 

रंजक बातम्या

जाहिरात
 

बॉलिवूड

 

जीवनमंत्र

 

क्रिकेट

 

बिझनेस

 

हास्ययात्रा

 

फोटो गॅलरी

 
 
Email Print Comment