सभापती पंडित यांच्यासह 15 जणांवर गुन्हा दाखल
गेवराई - येथील कृषी उत्पन्न बाजार समितीचे उपसभापती शेख मिन्हाज पटेल यांना न्यायालय परिसरात मारहाण केल्याप्रकरणी बीड जि.प.चे कृषी सभापती युधाजित पंडित यांच्यासह 15 जणांविरुद्ध येथील शहर ठाण्यात गुन्हा दाखल झाला आहे.
कृषी उत्पन्न बाजार समितीचे उपसभापती शेख मिन्हाज पटेल यांना ‘आरोपींचा जामीन का घेतला, गावापुरते राजकारण कर’ असे म्हणत 10 मे रोजी सायंकाळी 5 वाजेच्या सुमारास महेश सौंदरमल, मनोज हजारे, फय्याज चाऊस, मधुकर बाबर, चालक हराळेसह 15 जणांनी मारहाण करून त्यांना स्कॉर्पिओ गाडीत टाकून आमदार बदामराव पंडित यांच्या कार्यालयात नेले होते. मिन्हाज यांच्या गळ्यातील दोन तोळ्यांची चैन, रोख तीन हजार पाचशे रुपये काढून घेऊन त्यांना धमकी देण्यात आली होती, असेही पोलिसांना दिलेल्या तक्रारीत म्हटले आहे. ा या प्रकरणी मंगळवारी रात्री सभापती पंडित यांच्यासह इतरांविरुद्ध गुन्हा दाखल करण्यात आला. तपास पोलिस उपनिरीक्षक प्रभाकर कवडे करत आहेत.
