भारतात जगातील 55 टक्के नवे कुष्ठरुग्ण

पुणे - 2005 मध्ये देश कुष्ठरोगमुक्त झाल्याचे जाहीर करण्यात आले. मात्र, या रोगाची ताजी प्रकरणे समोर आल्यामुळे केंद्र सरकारपुढे आव्हान उभे ठाकले आहे.

इंटरनॅशनल लेप्रोसी युनियनच्या (आयएलयू) भारतीय शाखेचे अध्यक्ष एस.डी. गोखले यांनी दिलेल्या माहितीनुसार, 2010 मध्ये जगात 2,28,474 कुष्ठरुग्णांची नवी प्रकरणे समोर आली आहेत. भारतात एकूण 1,26,800 रुग्णांमध्ये या रोगाचे निदान झाले आहे. हा आकडा जगातील एकूण नव्या रुग्णांच्या 55.5 टक्के आहे.