एअर इंडियाच्या वैमानिकांचा संप बेकायदेशीर; आणखी दहा वैमानिक बडतर्फ

नवी दिल्ली  - एअर इंडियाच्या वैमानिकांचा संप हा बेकायदेशीर आहे, असे दिल्ली उच्च न्यायालयाने आज स्पष्ट केले. आणखी दहा वैमानिकांना आज बडतर्फ करण्यात आले आहे. मंगळवारी 10 वैमानिकांना कामावरून काढून टाकण्यात आले आहे , त्याचबरोबर इंडियन पायलट्स गिल्ड या संघटनेची मान्यता देखील रद्द केली आहे.

आजारपणाचे कारण देऊन सोमवारी अचानक संपावर गेलेल्या एअर इंडियाच्या 160 वैमानिकांना प्रशासनाने मंगळवारी कामावर हजर न राहिल्यास कारवाईला सामोरे जावे लागेल, असा स्पष्ट इशारा दिला होता.

वैमानिक सोमवारी रात्रीपासून आजारपणाच्या सुटीवर गेल्यामुळे आंतरराष्ट्रीय तर देशांतर्गत अनेक उड्डाणे रद्द झाल्यामुळे प्रवाशांचे हाल झाले. अनेकांना विमानतळावरच तिष्ठत बसावे लागल्याचे एअर इंडियाच्या प्रवक्त्याने सांगितले.