देशभरात कोठेही फिरा, विमानाचे भाडे रू 2250

नवी दिल्ली - भारतातील दुसरी मोठी विमान कंपनी जेट एअरवेजने प्रवाशांसाठी आकर्षक योजना सादर केली आहे. कंपनी 2250 ते 3800 रुपयांपर्यंत तिकीटदर आकारणार आहे. चार वेगवेगळ्या श्रेणींमध्ये ही सवलत आहे.
योजनेत 24 फेब्रुवारीपर्यंत तिकीट बुकिंग करता येणार आहे.

31 डिसेंबरपर्यंतच्या प्रवासाचे तिकीट यातून बूक करता येईल. कंपनीने 20 लाख तिकिटांच्या अ‍ॅडव्हान्स बुकिंगचे उद्दिष्ट ठेवले आहे. जेट एअरवेजचे चीफ कमर्शियल ऑफिसर सुधीर राघवन यांनी मंगळवारी ही घोषणा केली. योजना जाहीर होताच कंपनीच्या वेबसाइटवर प्रचंड गर्दी झाली. या तिकीट विक्रीतून कंपनी 450 कोटी रुपये जमवणार आहे. देशातील 57 शहरांत जेट एअरवेज कंपनीच्या 450 फ्लाइट आहेत.