स्ट्रेचिंगने मिळतो मानेला आराम

जे लोक नियमित बैठे काम किंवा संगणकावर काम करतात. त्यांना मान आखडण्याची आणि दुखण्याची समस्या होत असते.
मानेला आराम मिळण्यासाठी स्ट्रेचिंग केली पाहिजे. याची सर्वात मोठी बाब म्हणजे हे स्ट्रेचिंग तुम्ही काम करत असतानासुद्धा आरामात करू शकता.

फ्रंट टू बॅक
डोक्याला पुढून पाठीमागे झुकवा. जेणेकरून वर पाहता येईल. काही सेकंदासाठी याच स्थितीत राहावे. आता परत पहिल्या स्थितीत या. हे स्ट्रेचिंग दिवसातून तीन ते पाच वेळा करावे.

साइड टू साइड
मान सरळ करून आरामात बसा. आता मान उजवीकडे थोडी झुकवावी. मान झुकवताना कानाचा खांद्याला स्पर्श होणार नाही याकडे लक्ष द्या. काही सेकंदासाठी याच स्थितीत राहा. आता मान सरळ करा आणि डावीकडे झुकवा. दिवसातून तीन ते पाच वेळा हा व्यायाम करावा. बसल्या जागी हा व्यायाम करता येतो.