ग्रॅमी स्मिथ सर्वाधिक यशस्वी कर्णधार

केपटाऊन- द. आफ्रिकेचा कर्णधार ग्रॅमी स्मिथने ऑस्ट्रेलियाच्या रिकी पाँटिंगला मागे टाकून कसोटी क्रिकेटच्या इतिहासातील सर्वाधिक यशस्वी कर्णधार बनण्याचा मान मिळवला. रविवारी पाकिस्तानविरुद्ध दुसर्‍या कसोटीत 4 विकेटने विजय मिळवताना स्मिथने हा शानदार रेकॉर्ड आपल्या नावे केला.

स्मिथने 101 कसोटींपैकी 49 मध्ये विजय मिळवला. त्याने 77 पैकी 48 कसोटीत विजय मिळवणार्‍या रिकी पाँटिंगला मागे टाकले. घरच्या मैदानावर विजय मिळवण्याच्या बाबतीत पाँटिंगच्या 29 सामन्यांच्या रेकॉर्डपासून तो अवघ्या दोन विजयांनी दूर आहे.