आता कारचा अतिवेग वॉर्नला पडला महागात !

लंडन- बिग बॅश टी- 20 सामन्‍यादरम्‍यान मर्लन सॅम्‍युल्‍सशी भिडल्‍यामुळे एका सामन्‍याच्‍या बंदीला सामोरे गेलेल्‍या शेन वॉर्नला आता वेगाने गाडी चालवल्‍यामुळे दंड लावण्‍यात आला आहे.

स्‍कॉटलँड मोटरवे वर 100 मैल प्रतिवेगाने गाडी चालवल्‍याचे वॉर्नने कबूल केले आहे. या मार्गावर 70 मैल प्रतितास वेगाने गाडी चालवण्‍याची परवानगी आहे. वेग मर्यादेचे उल्‍लंघन केल्‍यामुळे 43 वर्षीय वॉर्नवर 500 पौंडचा दंड लावण्‍यात आला आहे. ड्रा‍यव्हिंगच्‍या बंदीपासून तो थोडक्‍यात बचावला आहे. मात्र, त्‍याच्‍या परवान्‍यावर पाच पेनल्‍टी अंक लावण्‍यात आले आहे.