दार्जिलिंग हिमालयन रेल्‍वेला युनेस्‍कोने वर्ल्ड हेरिटेजचा दर्जा दिला आहे. ही ट्रेन मार्च 1878 मध्‍ये सुरु करण्‍यात आली होती. परंतु, नियमितपणे ही गाडी मार्च 1879 पासून सुरु झाली होती.

भारतात नोव्‍हेंबर 1947 मध्‍ये जॉन मैथाई यांनी पहिला रेल्‍वे अर्थसंकल्‍प सादर केला होता. ते 1949-1951 या कालावधीत देशाचे दुसरे अर्थमंत्रीही होते.

भारतात 65 हजार किलोमीटरचे रेल्‍वेमार्गाचे जाळे आहे. ते 17 विभागांमध्‍ये विभागण्‍यात आले आहे. त्‍यात सेंट्रल, ईस्‍ट सेंट्रल, ईस्‍ट कोस्‍ट, ईस्‍टर्न, नॉर्थ सेंट्रल, नॉर्थ ईस्‍टर्न, नॉर्थ वेस्‍टर्न, वेस्‍टर्न, नॉर्थ फ्रंटीयर, साऊथ, साऊथ सेंट्रल, इत्‍यादी विभाग आहेत.

मुंबई ते ठाणे यादरम्‍यान 16 एप्रिल 1853 मध्‍ये देशातील पहिली रेल्‍वे धावली. भारतात 1849 मध्‍ये केवळ 1 किलोमीटर अंतराची रेल्‍वेलाईन होती. 1951 मध्‍ये रेल्‍वेचे केंद्रीयीकरण झाले आणि आज भारतीय रेल्‍वे जगातील सर्वात मोठ्या रेल्‍वे नेटवर्कपैकी 1 म्‍हणून ओळखली जाते.