राशिभविष्य २०१२

अंक राशिभविष्य

अंक ज्योतिष भविष्य वर्तविण्याच्या जगातील प्रसिद्ध पद्धतींपैकी एक आहे. या विद्येचा शोध मारमनमध्ये जन्मलेले भविष्यकार काउंट लुईस हैमन किरो यांनी लावला होता. या विद्येला आकड्यांचे ज्योतिष असे देखील म्हंटले जाते. व्यक्तीची जन्मतारीख, वर्ष आणि वेळ याच्या आधारावर भविष्य सांगण्याची पद्धत जगभर प्रचलित झाली आहे. मूळ अंक काढण्याची पद्धत

अंक ज्योतिष पद्धतीने आपले भविष्य जाणून घेणे अत्यंत सोपे आहे. तुमची जन्मतारीख हाच तुमचा मूळ अंक असतो. उदाहरणार्थ तुमचा जन्म कोणत्याही महिन्यात ३ तारखेला झाला असेल, तर तुमचा मूळ अंक हा ३ येईल. जर तुमची जन्मतारीख कोणत्याही महिन्यात दहा तारखेपासून पुढे असेल, तर तुमचा मूळ अंक काढण्यासाठी त्या दोन अंकांची बेरीज करावी. उदाहरणार्थ २३ तारखेला जन्मलेल्या व्यक्तीचा मूळ अंक शोधण्यासाठी २+३=५ अशी बेरीज करावी. त्या व्यक्तीचा मूळ अंक ५ हा असेल.