ऐन पर्यटन हंगामातच मराठी वेबसाइट बंद

माहिती मिळेना
प्रत्येक पर्यटकाला पूर्ण माहिती देण्यासाठी मराठी वेबसाइट आहे. वेबसाइटचे काम करताना पर्यायी व्यवस्था करण्याची गरज होती. एबीएम कंपनीने ही वेबसाइट विकसित केली आहे. दुरुस्ती व सुधारणेसाठी लिंक बंद असली तरी पर्यटन हंगामात तत्काळ काम होणे अपेक्षित होते.
कलाग्राम न्यायाच्या प्रतीक्षेत
गरवारे स्टेडियमजवळ 6 कोटी 42 लाख रुपये खर्च करून उभारण्यात आलेल्या कलाग्रामला चांगला प्रतिसाद मिळाला. मात्र, योग्य प्रसिद्धी झाली नसल्याने महिनाभरातच प्रतिसाद थंडावला आहे. आता नवीन वेबसाइटवर कलाग्रामला स्थान मिळेल, अशी पर्यटकांची अपेक्षा आहे.
आमची निराशा झाली
आमचा 14 जणांचा ग्रुप वेरूळ-अजिंठा लेणी पाहण्यासाठी आलो होतो. आम्ही एमटीडीसीच्या वेबसाइटवर माहिती घेतली;
पण शहरात आल्यानंतर आणखी ठिकाणे पाहण्यासाठी ही वेबसाइट उघडली तर ती बंद होती. त्यामुळे घोर निराशा झाली.
अभिषेक वायकोस, गोंदिया