जीएसटी चोरी:दोन वर्षांत 55,575 कोटींची जीएसटी चोरी; 719 अटकेत

जीएसटी अधिकाऱ्यांना गेल्या दोन वर्षांत ५५,५७५ कोटी रुपयांची जीएसटी चोरी झाल्याचे आढळून आले. यादरम्यान सरकारी तिजोरीचे नुकसान केल्याप्रकरणी ७१९ जणांना अटक करण्यात आली आहे. २२,३०० हून अधिक बनावट जीएसटी आयडेंटिफिकेशन नंबर (जीएसटीआयएन) देखील जीएसटी इंटेलिजन्स महासंचालनालय (डीजीजीआय) अधिकाऱ्यांनी शोधून काढले आहेत, असे एका अधिकाऱ्याने गुरुवारी सांगितले. सरकारने ९ नोव्हेंबर २०२० रोजी जीएसटी चोरीविरोधात मोहीम सुरू केली होती.