अ‌ॅमेझॉन प्राइम व्हिडिओचे मोबाइल ए़डिशन लॉंच:599 रुपयात एका वर्षाचे सबस्क्रिप्शन; केवळ 480p क्वालिटीत पाहा चित्रपट अन् वेब सिरीज

अ‌ॅमेझॉनने 599 रुपयांची नवीन प्राइम व्हिडिओ मोबाईल एडिशन वार्षिक योजना लॉंच केली आहे. ही सिंगल यूज योजना आहे. ज्यामध्ये नवीन चित्रपट Amazon Originals, लाइव्ह क्रिकेट आणि बरेच काही मिळेल. नवीन प्लॅनसाठी साइन अप प्राइम व्हिडिओ अ‌ॅप किंवा वेबसाईडद्वारे केले जाऊ शकते.

नेटफ्लिक्स, हॉटस्टारचा प्लॅन यापूर्वीच सुरू
अ‌ॅमेझॉनच्या आधी अशा योजना Disney + Hotstar आणि Netflix या दोघांनी OTT प्लॅटफॉर्म लाँच केले आहेत. हा प्लान लाँच केल्याने अ‌ॅमेझॉनला युजर्सची संख्या वाढण्यास मदत होणार आहे. तथापि, प्राइम व्हिडिओ मोबाईल एडिशन गेल्या वर्षी भारती एअरटेलच्या सहकार्याने टेल्को-पार्टनर उत्पादन म्हणून लॉन्च करण्यात आले होते. तथापि, ते आता सर्व वापरकर्त्यांसाठी उपलब्ध असेल.

चित्रपट, वेबसिरीज फक्त 480p क्वॉलिटीत पाहण्यास सक्षम
प्राइम व्हिडीओ मोबाईल एडिशन ग्राहकांना स्टँडर्ड डेफिनिशन (SD) क्वालिटी स्ट्रीमिंग ऑफर करते. हा 480p गुणवत्तेचा व्हिडिओ फक्त छोट्या पडद्यावर शोभतो. Amazon इतर महागड्या योजनांमध्ये 4K पर्यंत रिझोल्यूशन ऑफर करते. इतर प्लॅन्सप्रमाणे या प्लॅनमध्येही ऑफलाइन डाउनलोडिंगची सुविधा उपलब्ध असेल. याशिवाय ग्राहकांना IMDb पॉवर्ड एक्स-रे सारखे फीचर्स देखील मिळतील.

स्टँडर्ड प्राइम मेंबरशिपची वार्षिक किंमत 1,499 रुपये
Amazon Prime Video च्या मानक सदस्यत्वाची किंमत वार्षिक 1,499 रुपये आहे. योजना मल्टी-यूजर ऍक्सेस (प्रोफाइल), स्मार्ट टीव्हीसह सर्व उपकरणांवर स्ट्रीमिंग आणि उच्च रिझोल्यूशन (HD/UHD) सामग्री देते. Amazon.in वर मोफत जलद वितरण, प्राइम म्युझिकसह जाहिरात-मुक्त संगीत आणि प्राइम रीडिंगसह इतर सर्व प्राइम फायदे 1,499 रुपयांच्या प्लॅनमध्ये दिले जातात.

गत सहा वर्षात चांगली वाढ- गौरव गांधी
प्राइम व्हिडिओ इंडियाचे उपाध्यक्ष गौरव गांधी म्हणाले की,गेल्या 6 वर्षांत, आम्ही भारतात प्राइम व्हिडिओमध्ये लक्षणीय वाढ पाहिली आहे. देशभरात उच्च दर्जाचे मनोरंजन अधिक सुलभ करण्यासाठी प्राइम व्हिडिओ मोबाइल एडिशन लाँच करताना आम्हाला आनंद होत आहे. जेव्हा आम्ही गेल्या वर्षी टेलिकॉम असोसिएशनच्या माध्यमातून हा प्लॅन लॉंच केला. तेव्हा त्याला भारतीय वापरकर्त्यांकडून जबरदस्त प्रतिसाद मिळाला.