आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

पेन्शनधारकांना दिलासा:जीवन प्रमाणपत्र सादर करण्याची मुदत 28 फेब्रुवारीपर्यंत वाढवली, जाणून घ्या प्रमाणपत्र सादर करण्याची प्रक्रिया

18 दिवसांपूर्वी
  • कॉपी लिंक

सरकारी पेन्शनधारकांसाठी वार्षिक जीवन प्रमाणपत्र (जीवन प्रमाण) सादर करण्याची अंतिम मुदत 28 फेब्रुवारी 2022 पर्यंत वाढवण्यात आली आहे. यापूर्वीची अंतिम मुदत 31 डिसेंबर 2021 होती. सरकारने दुसऱ्यांदा मुदत वाढवली आहे.

कोविड-19 महामारीमुळे मुदत वाढवली आहे
निवृत्ती वेतन आणि निवृत्ती वेतनधारक कल्याण विभागाकडून जारी करण्यात आलेल्या निवेदनात असे म्हटले आहे की, विविध राज्यांमधील कोविड-19 महामारी लक्षात घेता, सर्वांना जीवन प्रमाणपत्रे सादर करण्यासाठी सध्याची 31.12.2021 ही मुदत वाढवण्याचा निर्णय घेण्यात आला आहे.

आता, केंद्र सरकारचे सर्व निवृत्ती वेतनधारक 28.02.2022 पर्यंत जीवन प्रमाणपत्र सादर करू शकतात. वाढीव कालावधीत पेन्शन बँक खात्यात जमा होत राहील.

पेन्शनसाठी प्रमाणपत्र सादर करणे आवश्यक आहे
ज्या सरकारी पेन्शनधारकांनी अद्याप वार्षिक जीवन प्रमाणपत्र सादर केले नाही, त्यांना या मुदतवाढीमुळे दिलासा मिळणार आहे. ते सादर करण्यासाठी त्यांना आता दोन महिन्यांची मुदत आहे. पेन्शनधारकांना निवृत्ती वेतन सुरू ठेवण्यासाठी दरवर्षी जीवन प्रमाणपत्र सादर करणे बंधनकारक आहे.

असे न केल्यास, पेन्शन बँक खात्यात जमा होणार नाही. यापूर्वी जीवन प्रमाणपत्र सादर करण्याची तारीख 30 नोव्हेंबर 2021 होती, ती 31 डिसेंबर 2021 पर्यंत वाढवण्यात आली होती. यानंतर ही तारीख 28 फेब्रुवारी 2022 पर्यंत वाढवण्यात आली आहे.

वार्षिक जीवन प्रमाणपत्र कसे सादर करावे?
निवृत्तीवेतनधारक त्यांचे वार्षिक जीवन प्रमाणपत्र भौतिक आणि डिजिटल दोन्ही पद्धतीने सादर करू शकतात. तुम्हाला डोअर स्टेपवरही वार्षिक जीवन प्रमाणपत्र सादर करण्याची सुविधा मिळते.

जीवन प्रमाण पोर्टलच्या माध्यमातून

  • jeevanpramaan.gov.in/ वर पेंशनर्स आपले जीवन प्रमाण पत्र जमा करु शकतात.
  • पेन्शनधारकाला पोर्टलवरून जीवन प्रमाण अॅप डाउनलोड करून नोंदणी करावी लागेल.
  • फिंगरप्रिंटसाठी UIDAI-डिव्हाइस आवश्यक असेल. त्याची यादी पोर्टलवर आहे.
  • ही उपकरणे ई-कॉमर्स वेबसाइटवरून खरेदी करता येतील. ते मोबाईलला जोडले जाऊ शकते.

बँकमध्ये जाऊन किंवा डोअर स्टेप सुविधा

  • जीवन प्रमाणपत्र सादर करण्याचा दुसरा मार्ग म्हणजे पेन्शन वितरण बँकेकडे फॉर्म सबमिट करणे
  • पेन्शनधारक डोअर स्टेप बँकिंग अलायन्सद्वारे त्यांचे जीवन प्रमाणपत्र सादर करू शकतात.
  • डोअर स्टेप बँकिंग (DSB) सुविधेसाठी सार्वजनिक क्षेत्रातील 12 बँकांची युती आहे.
  • यामध्ये स्टेट बँक ऑफ इंडिया, पंजाब नॅशनल बँक, बँक ऑफ बडोदा आणि इतर बँकांचा समावेश आहे.

अॅप, वेबसाइट, टोल-फ्री क्रमांकाद्वारे होणार सर्व्हिस बुक

  • निवृत्तीवेतनधारक ही सेवा मोबाइल अॅप, वेबसाइट किंवा टोल-फ्री नंबरद्वारे बुक करू शकतात
  • सेवेचा लाभ घेण्यासाठी 'डोअरस्टेप बँकिंग' अॅप गुगल प्ले स्टोअरवरून डाउनलोड करावे लागेल.
  • पेंशनर्स https://doorstepbanks.com/ वर व्हिजिट करुन सर्व्हिस घेऊ शकतात.
  • फोनवर सर्विससाठी 18001213721 किंवा 18001037188 वर कॉल करावा लागेल.

पोस्टमॅन आणि अधिकाऱ्यांच्या माध्यमातून

  • पोस्टमन सेवेसाठी, पेन्शनधारकाला Google Play Store वरून PostInfo अॅप डाउनलोड करावे लागेल.
  • 'नामित अधिकारी'ची साइन करुनही पेंशनर लाइफ सर्टिफिकेट फॉर्म जमा करु शकता.
  • नामित अधिकाऱ्याची साइन असल्यावर पेंशनर व्यक्तिगत उपस्थित असण्याची गरज नसते.
  • सेंट्रल पेंशन अकाउंटिंग ऑफिसच्या पुस्तिकेमध्ये अधिकाऱ्यांची लिस्ट देण्यात आली आहे.
बातम्या आणखी आहेत...