अ‍ॅपलच्या सीईओंची चिंता:टिम कुक म्हणाले - गोपनीयतेमध्ये हस्तक्षेप सामान्य झाला, आपल्या विचार करण्याच्या पद्धतीत बदल

अ‍ॅपलचे सीईओ टिम कुक यांनी प्रायव्हसीच्या मुद्द्यावर चिंता व्यक्त केली आहे. कुक म्हणाले - गोपनीयतेचा भंग, म्हणजेच गोपनीयतेचे उल्लंघन आता हळूहळू लोकांसाठी सामान्य होत आहे. लोक याकडे वेगळ्या पद्धतीने बघत आहेत आणि त्यानुसार स्वत:ला जुळवून घेत आहेत.

ते म्हणाले की जर आपल्याला असे वाटू लागले की आपल्यावर सतत लक्ष ठेवले जात आहे, तर आपले वर्तन बदलते. मोकळे होण्याऐवजी आपण संकोच करू लागतो आणि आपली विचार करण्याची पद्धत बदलू लागतो. लोकांच्या गोपनीयतेचे संरक्षण करणाऱ्या अ‍ॅपलच्या उपायांबद्दल कुक यांनी सांगितले.

वैयक्तिक डाटा आता वैयक्तिक राहिला नाही - टिम कुक

अ‍ॅपल आपल्या ग्राहकांची गोपनीयता राखते, असा दावा कुक यांनी केला. हेच अ‍ॅपलला इतर कंपन्यांपेक्षा वेगळे करते. ते म्हणाले की, विचित्र गोष्ट म्हणजे लोकांचा वैयक्तिक डाटा खासगी राहत नाही. एखादी कंपनी लोकांचा वैयक्तिक डाटा कसा घेते हे सांगणे कठीण आहे. 2014 मध्ये समलैंगिकतेबद्दल जगाला सांगणे माझ्या गोपनीयतेच्या विरोधात होते, पण तरुणांना मदत करण्यासाठी त्याने हे केले, असे टिमने सांगितले.

त्यांच्या लक्षात आले की, LGBT-Q समुदायाला खूप त्रास दिला जात आहे. त्यामुळे आपल्या समलैंगिकतेबद्दल जगाला सांगितले तर एका व्यक्तीलाही मदत झाली तर, अभिमान वाटेल, असे त्यांना वाटले. म्हणूनच, त्यांनी आपल्या इच्छेनेचे आपली गोपनीयता बाजूला ठेवली. आपण काहीतरी चांगलं केलेचे त्यांना वाटत आहे.

विचारपूर्वक समलैंगिकता सार्वजनिक केली

समलैंगिकतेच्या प्रश्नावर कार्यकारी संपादक जॉन सिमन्स यांना टाइम मॅगझिन समिटमध्ये सहभागी झालेल्या टीम कुक यांनी सांगितले की, समलैंगिकता सार्वजनिक करण्याचा निर्णय बराच विचारविनिमय केल्यानंतर घेण्यात आला आहे. लोक हे ऐकून त्याला कसे स्वीकारतील याचाही विचार त्यांनी केला. त्यांना असे वाटले की, असे केल्याने लोकांचे संपूर्ण लक्ष कंपनीच्या उत्पादनापासून दूर राहून त्यांच्यावर केंद्रित होणार नाही.