एप्रिल 2023 मध्ये विक्रमी जीएसटी संकलन:सरकारने गोळा केले 1.87 लाख कोटी रुपये, गेल्या वर्षीच्या तुलनेत 12% जास्त

जीएसटी संकलनाचा नवा विक्रम एप्रिल 2023 मध्ये झाला आहे. एप्रिल 2013 मध्ये सरकारने 1.87 लाख कोटींचे विक्रमी जीएसटी संकलन केले आहे. यापूर्वी गेल्या वर्षीच्या एप्रिलमध्ये विक्रमी 1.67 लाखांचे जीएसटी संकलन झाले होते.

म्हणजेच सरकारने गेल्या वर्षीच्या तुलनेत या वर्षी 12% जास्त जीएसटी संकलन केले आहे. मार्च 2023 मध्ये जीएसटी संकलन 1.60 लाख कोटी होते. एकूण जीएसटीत सीजीएसटी 38,440 कोटी, एसजीएसटी 47,412 कोटी, आयजीएसटी 89,158 कोटी आणि सेस 12,025 कोटी इतके आहे.

जीएसटी संकलनात महाराष्ट्र क्रमांक 1 वर

जीएसटी संकलनात महाराष्ट्र पहिल्या क्रमांकावर आहे. महाराष्ट्रात जीएसटी संकलन गेल्या वर्षीच्या तुलनेत 21 टक्के वाढून 33,196 कोटी झाले आहे. यादीत 14,593 कोटींच्या संकलनासह कर्नाटक दुसऱ्या, 11,721 कोटी संकलनासह तिसऱ्या क्रमांकावर आहे.

आर्थिक वर्ष 2022-23 मध्ये 18 लाख कोटींचे जीएसटी संकलन

संपूर्ण आर्थिक वर्ष 2022-23 मध्ये एकूण 18.10 लाख कोटींचे जीएसटी संकलन झाले आहे. या आधारे जीएसटी संकलनाचा सरासरी मासिक आकडा 1.51 लाख कोटी राहिला आहे. गेल्या वर्षीच्या जीएसटी संकलनापेक्षा या वर्षीचे जीएसटी संकलन 22% जास्त राहिले आहे.