टाटा सिएराचे 22 वर्षांनंतर इलेक्ट्रिक व्हर्जन:पहिली इलेक्ट्रिक SUV कॉन्सेप्ट कर्व सुद्धा लॉन्च, शाहरुखने लॉंच केली Hyundai Ioniq-5 EV

आशियातील सर्वात मोठ्या ऑटो एक्स्पोला बुधवारी दिल्लीत सुरुवात झाली. त्याच्या 16व्या आवृत्तीला 'द मोटर शो' असे नाव देण्यात आले आहे. संध्याकाळचा शोस्टॉपर टाटा सिएरा ईव्ही संकल्पना होती, जी कंपनीने 20 वर्षांनंतर परत आणली आहे. कंपनीने हे 3 डोर मॉडेल 1991 मध्ये लाँच केले आणि 2000 मध्ये त्याचे उत्पादन बंद केले.

SUV च्या इलेक्ट्रिक अवतारमध्येही मूळ डिझाइन कायम ठेवण्यात आले आहे. टाटाने इलेक्ट्रिक एक्सक्लुझिव्ह SUV कर्व्ह देखील लॉन्च केले. म्हणजेच टाटाची ही पहिली कार आहे जी पेट्रोल किंवा डिझेलऐवजी थेट इलेक्ट्रिक व्हर्जनमध्ये आणली जाईल.

टाटा ने ऑटो एक्सपोमध्ये आपल्या प्रीमियम SUV हॅरियरची इलेक्ट्रिक आवृत्ती देखील सादर केली आहे. त्याच वेळी, कंपनीने ऑटो शोमध्ये Avinya Premium EV आणले. 2025 पर्यंत लाँच होईल असे सांगितले जात आहे. ग्राहकाच्या गरजेनुसार ते कस्टमाइज केले जाऊ शकते.

शाहरुख खानने Hyundai Ioniq-5 इलेक्ट्रिक SUV लाँच केली..
शाहरुख खान ऑटो एक्सपोमध्ये इलेक्ट्रिक SUV Ionic-5 लॉन्च करण्यासाठी पोहोचला. भारतातील दुसरी सर्वात मोठी कार उत्पादक कंपनी Hyundai Motors ची ही प्रीमियम कार 72.6 KwH चा बॅटरी पॅक आहे. ही बॅटरी 214BHP पॉवर आणि 350Nm टॉर्क जनरेट करते. पूर्ण चार्ज केल्यावर, ही SUV 631 किमीची रेंज मिळेल.

कंपनीचे म्हणणे आहे की Ionic-5 फक्त 18 मिनिटांत 80% पर्यंत चार्ज होऊ शकते. यासाठी 350kW चा DC चार्जर वापरला जाईल. कंपनीने कारची सुरुवातीची किंमत 44.95 लाख रुपये ठेवली आहे, जी प्रकारानुसार वाढू शकते.

ऑटो एक्स्पोमध्ये एकूण 40 वाहन निर्माती कंपन्या सहभागी होत आहेत

वॅगन आरची फ्लेक्स इंधन आवृत्ती 20 ते 80% इथेनॉलवर चालेल
मारुतीने ऑटो एक्सपोमध्ये वॅगनआरचा फ्लेक्स इंधन प्रोटोटाइप प्रदर्शित केला. ही कार E85 इंधनावर धावू शकते. अशी वाहने 20% ते 85% पर्यंत इथेनॉल मिश्रणावर चालण्यासाठी विकसित केली गेली आहेत.

डिझेल-पेट्रोलच्या तुलनेत इथेनॉल इंधन अत्यंत कमी दरात उपलब्ध असल्यामुळे या प्रकारची वाहने चालवायला खूप स्वस्त आहेत. या वाहनांची खास गोष्ट म्हणजे ते डिझेल-पेट्रोल प्रमाणे चांगले परफॉर्मन्स आणि चांगले रनिंग कॉस्ट देतात. मारुतीचा दावा आहे की, फ्लेक्स इंधनावर चालणारी वॅगन आर पेट्रोलच्या तुलनेत खूपच कमी खर्चिक असेल.

मारुतीने आणली पहिली EV SUV, प्रगत कनेक्टिव्हिटी फीचर्स

या प्रदर्शनात मारुती हे पहिले आकर्षण होते. मारुतीने आपली पहिली इलेक्ट्रिक SUV संकल्पना EVX चे अनावरण केले. इमॅजिनेक्स्ट व्हिजनसह आणलेल्या या कारबाबत कंपनीचा दावा आहे की ती एका चार्जमध्ये 550 किमी धावू शकेल.

ईव्हीएक्स ही मारुतीची इलेक्ट्रिक वाहन विभागातील पहिली ऑफर आहे. म्हणून, कंपनीने आपल्या सादरीकरणात मेटाव्हर्सचा वापर केला. मारुतीचा दावा आहे की सुझुकीने बनवलेल्या नवीन SUV मध्ये परफॉर्मन्ससह प्रगत कनेक्टिव्हिटी फीचर्स मिळतील. कंपनीने इलेक्ट्रिक एसयूव्ही उत्पादनासाठी 10,000 कोटी रुपयांची गुंतवणूक करण्याची घोषणाही केली आहे.

MG ने जगातील पहिली इलेक्ट्रिक MPV लाँच केली
MG Motors ने जगातील पहिली इलेक्ट्रिक MPV सादर केली. त्याला MIFA-9 (Mifa-9) असे नाव देण्यात आले आहे. त्याचे सर्वात मोठे वैशिष्ट्य म्हणजे ते फक्त 4 सेकंदात 0 ते 100 चा वेग पकडेल. विद्यमान Gloster SUV सोबत, ही MG च्या लाइन-अपमधील सर्वात मोठी कार आहे. कंपनीने म्हटले आहे की ते एका चार्जमध्ये 500 किमी पेक्षा जास्त धावेल.

इलेक्ट्रिक SUV MG5 लॉंच, सिंगल चार्जवर 525 KM रेंज
जगातील पहिल्या इलेक्ट्रिक EV सोबत, MG ने ऑटो एक्सपोमध्ये MG5 इलेक्ट्रिक SUV देखील लॉन्च केली. या वाहनाला एका चार्जमध्ये ५२५ किमीची रेंज मिळेल. हे वाहन MG च्या सध्याच्या Aster SUV वर आधारित असल्याचे दिसते.

हेक्टरचे फेसलिफ्ट केले सादर
एमजी मोटर्सने ऑटो शोमध्ये आपल्या प्रीमियम कार हेक्टरचे फेसलिफ्ट सादर केले. कंपनीने या मॉडेलमध्ये 11 नवीन फीचर्सचे आश्वासन दिले आहे. यात 11-इंचाची टच स्क्रीन इन्फोटेनमेंट सिस्टम आहे. कंपनीने 5 आणि 7 सीटर मॉडेल्सच्या विविध प्रकारांची किंमत 15 लाख ते 22 लाखांपर्यंत निश्चित केली आहे.

कार्यक्रमाची रुपरेषा

अनेक मोठ्या वाहन निर्मात्यांनी एक्स्पोपासून स्वतःला दूर ठेवले
यावेळी महिंद्रा अँड महिंद्रा, स्कोडा, फोक्सवॅगन आणि निसानसह लक्झरी वाहन कंपन्या मर्सिडीज-बेंझ, बीएमडब्ल्यू आणि ऑडी या प्रदर्शनात दिसणार नाही. याशिवाय, Hero MotoCorp, Bajaj Auto आणि TVS मोटर कंपनी या प्रमुख दुचाकी कंपन्यांची उपस्थिती इथेनॉल पॅव्हेलियनमध्ये त्यांच्या 'फ्लेक्स फ्युएल' प्रोटोटाइप वाहनांच्या प्रदर्शनापुरती मर्यादीत असणार आहे.

13 ते 18 पर्यंत सामान्य लोकांसाठी प्रवेश
ऑटो एक्सपो मोटर शो इंडिया एक्सपो मार्ट, ग्रेटर नोएडा येथे होणार आहे. जरी ऑटो एक्स्पो 2023 इव्हेंट 11 जानेवारीपासून सुरू होईल, परंतु 11 आणि 12 जानेवारी मीडियासाठी राखीव आहेत. 13 ते 18 जानेवारी या कालावधीत सर्वसामान्यांसाठी आयोजित करण्यात येणार आहे. त्याची वेळ सकाळी 11 ते रात्री 8 अशी असेल.

'बुक माय शो' तून करा तिकीट खरेदी
तुम्हाला जर या कार्यक्रमाला हजेरी लावायची असेल तर त्यासाठी तिकीट काढावे लागणार आहे. तिकीट दर दिवसागणिक बदलतात. 13 जानेवारीला त्याची किंमत 750 रुपये ठेवण्यात आली आहे. एका तिकिटावर फक्त एकाच व्यक्तीला प्रवेश मिळतो. 5 वर्षांखालील मुलांसाठी तिकीट नाही. 'बुक माय शो' ला भेट देऊन या कार्यक्रमाची तिकीटे खरेदी करता येतील.

यांसबंधित बातम्या वाचा

ऑटो एक्स्पोत 30 हून अधिक ईव्ही कंपन्या:हीरो-होंडा-बजाजसारखे मोठे ब्रँड नाही दिसणार

दिल्लीत 13 जानेवारीपासून ऑटो एक्स्पो 2023 सुरू होत आहे. ग्रेटर नोएडा येथील जेपी गोल्फ कोर्सजवळील इंडिया एक्स्पो मार्ट आयोजित करण्यात आले आहे. या प्रदर्शनात इलेक्ट्रिक वाहनांचा सर्वाधिक बोलबाला असेल. यामध्ये 30 हून अधिक इलेक्ट्रिक वाहन उत्पादक कंपन्या आणि स्टार्टअपचा समावेश असेल. - येथे सविस्तर बातमी वाचा

ऑटो एक्सपोमध्ये दिसेल मारुतीची पहिली EV:'टाटा पंच' EV वरूनही पडदा हटण्याची शक्यता

ऑटो - येथे सविस्तर बातमी वाचा