ब्लूचिप फंड:कमी जोखीमीत FD पेक्षा जास्त होईल फायदा, ब्लूचिप फंडांनी गेल्या 1 वर्षात 18% पर्यंत दिला परतावा

जर तुम्ही शेअर बाजारात गुंतवणूक करण्याचा विचार करत असाल. परंतु तुम्हाला त्याबद्दल थोडेसे ज्ञान असेल तर तुम्ही म्युच्युअल फंडात गुंतवणूक करू शकता. दुसरीकडे, जर तुम्हाला त्यात कमी जोखीम घेऊन गुंतवणूक करायची असेल, तर ब्लूचिप फंड श्रेणी तुमच्यासाठी योग्य असेल. येथे तुम्हाला कमी जोखमीसह FD पेक्षा जास्त परतावा मिळू शकतो. आम्ही तुम्हाला ब्लूचिप फंडाबद्दल सांगत आहोत जेणेकरून तुम्हीही त्यात गुंतवणूक करू शकता आणि नफा मिळवू शकता.

सर्वप्रथम जाणून घ्या- ब्लूचिप फंड म्हणजे काय?
हे फक्त लार्ज-कॅप म्युच्युअल फंड आहेत, जरी काही लार्ज-कॅप म्युच्युअल फंडांच्या नावांसोबत ब्लूचिप जोडलेली असते. जसे की अ‌ॅक्सिस ​​​​​​ ब्लूचिप फंड, आयसीआयसीआय प्रू ब्लूचिप फंड, एसबीआय ब्लूचिप फंड, कोटक ब्लूचिप फंड किंवा फ्रँकलिन ब्लूचिप फंड. ब्लूचिप म्युच्युअल फंड योजनांमध्ये गुंतवणूकदारांकडून उभारलेल्या रकमेपैकी किमान 80% रक्कम टॉप 100 कंपन्यांमध्ये गुंतवणे आवश्यक आहे, असे मानले जाते की, त्यांचे शेअर्स कमी अस्थिर आहेत, त्यामुळे त्यांच्यामध्ये पैसे गुंतवताना नुकसान होण्याची शक्यता कमी आहे.

कमी जोखमीसह मिळेल चांगला परतावा
ब्लूचिप कंपन्या अशा कंपन्या आहेत ज्यांचा आकार खूप मोठा आहे आणि ज्यांची आर्थिक स्थिती मजबूत आहे. असे मानले जाते की त्यांचे शेअर्स कमी अस्थिर आहेत, त्यामुळे त्यांच्यामध्ये पैसे गुंतवताना नुकसान होण्याची शक्यता कमी आहे, विशेषत: दीर्घकालीन. लार्ज कॅप म्युच्युअल फंड योजनांसाठी गुंतवणूकदारांकडून उभारलेल्या रकमेपैकी किमान 80% रक्कम टॉप 100 कंपन्यांमध्ये गुंतवणे आवश्यक आहे.

त्यात कोणी गुंतवणूक करावी ​​​​?
ज्यांना कमी जोखीम असलेल्या शेअर बाजारात गुंतवणूक करायची आहे त्यांच्यासाठी ब्लूचिप फंडाची शिफारस केली जाते. या योजनांमध्ये किमान 3 ते 5 वर्षांचा कालावधी लक्षात घेऊन गुंतवणूक करावी. यामध्ये लॉक-इन पिरियड नसला तरी गरज असेल तेव्हा तुम्ही पैसे काढू शकता, पण लक्षात ठेवा की अल्पावधीत शेअर बाजारातील चढउतारांचा परिणाम तुमच्या गुंतवणुकीवर अधिक होऊ शकतो. तर दीर्घकाळासाठी हे धोका कमी होतो.

एसआयपीद्वारे गुंतवणूक करणे ठरेल योग्य
म्युच्युअल फंडात पैसे एकाच वेळी गुंतवण्याऐवजी सिस्टिमॅटिक इन्व्हेस्टमेंट प्लॅन म्हणजेच एसआयपीद्वारे गुंतवणूक करावी. SIP च्या माध्यमातून तुम्ही दर महिन्याला एक निश्चित रक्कम गुंतवता. यामुळे पुढे जोखीम कमी होते कारण त्याचा बाजारातील चढ-उताराचा फारसा परिणाम होत नाही.