गाड्यांची किरकोळ विक्री:एका महिन्यात गाड्यांची विक्री 16% वाढली, कारची 11%

फेब्रुवारीत गाड्यांची किरकोळ विक्री वार्षिक १६ टक्के वाढली. वाहन डीलर्सचे संघटन फेडरेशन ऑफ ऑटोमोबाइल डीलर्स असोसिएशन (फाडा)च्या मते, गेल्या महिन्यात एकूण १७,७५,४२४ वाहनांचे रजिस्ट्रेशन झाले. त्या तुलनेत फेब्रुवारी २०२२ मध्ये १५,३१,१९६ वाहनांची विक्री झाली. सोमवारी प्रसिद्ध झालेल्या आंकड्यानुसार, गेल्या महिन्यात प्रवासी वाहनांची (मुख्यरित्या कार)ची रिटेल विक्री ११% वाढून २,८७,१८२ झाली.

गेल्या वर्षी फेब्रुवारीत २,५८,७३६ प्रवासी वाहनाची विक्री झाली. गेल्या महिन्यात दुचाकींची नोंदणीही १५ टक्क्यांनी वाढून १२,६७,२३३ झाली आहे. तर फेब्रुवारी २०२२ मध्ये ही संख्या ११,०४,३०९ वाहने होती. फाडाचे अध्यक्ष मनीष राज सिंघानियाने सांगितले, ‘बाजारात नवीन मॉडेल आल्याने पुरवठा सलग सुधारला आहे आणि लग्नाच्या हंगामामुळे गाड्यांच्या विक्रीत वाढ झाली आहे. ते पुढे म्हणाले की, दुचाकी नोंदणीमध्ये वार्षिक १५% वाढ झाली आहे, परंतु फेब्रुवारी २०२० च्या तुलनेत विक्री १४% कमी आहे. २०२२ मध्ये मर्सिडीज-बेंझने १५ हजारांहून अधिक कार विकल्या: लक्झरी कार निर्माता कंपनी मर्सिडीज-बेंझने २०२२ मध्ये १५,८२२ कार विकल्या. यापैकी ३,५०० गाड्यांची किंमत १ कोटींहून अधिक आहे. सोमवारच्या अंकात मर्सिडीज-बेंझ कार विक्रीची संख्या चुकून ६,५०० म्हणून प्रकाशित झाली.