एअर इंडिया-एअर एशिया विलीनीकरण:CCI ची एअर एशिया इंडियाच्या अधिग्रहणास मान्यता, देशांतर्गत प्रवासात 15.7% भागिदारी

भारतीय स्पर्धा आयोगाने (CCI) एअर एशिया इंडिया आणि एअर इंडियाच्या विलीनीकरणाला मान्यता दिली आहे. दोन्ही विमान कंपन्या टाटा समूहाच्या नियंत्रणाखाली आहेत. एकत्रितपणे, दोन्ही एअरलाइन्सचा भारतातील देशांतर्गत प्रवासी बाजारपेठेत 15.7% वाटा असेल. अलीकडेच, एअर इंडियाने एअर एशिया इंडियाचे अधिग्रहण करण्याच्या करारासाठी CCI कडे मंजुरी मागितली होती.

एअर एशिया इंडिया मध्ये टाटाचा 83.67% भागिदारी

एअर एशिया इंडियामध्ये टाटाची 83.67% भागिदारी आहे. डिसेंबर 2020 मध्ये, टाटा समूहाने Air Asia India मधील आपली भागीदारी वाढवली. टाटा आता उर्वरित 16% स्टेक लवकरच विकत घेऊ शकते. हा भागभांडवल सध्या मलेशियन विमान कंपनी एअर एशिया बर्हाडकडे आहे. एअर एशिया इंडिया 'एअर एशिया' या नावाने कार्यरत आहे.

एअर इंडियामध्ये टाटाची 100% हिस्सेदारी

टाटाची एअर इंडियामध्ये 100% भागीदारी आहे. Tata Sons ची पूर्ण मालकीची उपकंपनी असलेल्या Tales Private Limited ने भारत सरकारकडून 18,000 कोटी रुपयांना एअर इंडिया आणि एअर इंडिया एक्सप्रेस विकत घेतल्या होत्या. ही विमान कंपनी सतत तोटा करत होती. टाटा समूह आता तोट्यात चाललेल्या या विमान कंपनीला नफ्यात आणण्याचा प्रयत्न करत आहे.

चार विमान कंपन्यांना एकत्रित करण्याची प्रक्रिया

टाटा सन्सने जानेवारीमध्ये एअर इंडियाची खरेदी केल्यानंतर व्यवस्थापन नियंत्रण ताब्यात घेतले. तेव्हापासून त्यांनी आपल्या चारही विमान कंपन्यांना एकत्रित करण्याची प्रक्रिया सुरू केली आहे. या प्रक्रियेअंतर्गत एअर इंडिया, एअर इंडिया एक्सप्रेस, विस्तारा, एअर एशिया इंडिया आणि ग्राउंड हँडलिंग फर्म AISATS एकाच कार्यालयातून काम करतील.