आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • Change Address On Aadhaar Card From Home I Know Complete Process I Latest News And Update I

घरबसल्या करा आधार कार्डवरील अड्रेस चेंज:नोंदणीकृत मोबाईल क्रमांक असणे आवश्यक, संपूर्ण प्रक्रिया घ्या जाणून

नवी दिल्ली25 दिवसांपूर्वी
  • कॉपी लिंक

आधार कार्ड हा एक महत्त्वाचा दस्तावेज आहे. यामध्ये तुमचे नाव, मोबाईल नंबर, पत्ता यासह इतर सर्व माहिती बरोबर असणे आवश्यक आहे. शहर किंवा पत्ता बदलल्यावर लोकांना ते आधारमध्ये अपडेट करता येत नसल्याचे अनेकदा दिसून आले आहे. त्यांना हे एक त्रासादायक वाटते. परंतु तसे नाही. आधार कार्डमध्ये घराचा पत्ता बदलण्यासाठी तुम्हाला कुठेही जाण्याची गरज नाही. तुम्ही ते घरबसल्या ऑनलाइन अपडेट करू शकता. यासाठी तुम्हाला 50 रुपये द्यावे लागतील. त्याची संपूर्ण प्रक्रिया आम्ही तुम्हाला सांगत आहोत.

पत्ता अपडेट करण्याची प्रक्रिया घ्या जाणून

  • सर्वप्रथम UIDAI च्या myaadhaar.uidai.gov.in/ या अधिकृत साइटला भेट द्या.
  • येथे लॉग इन करण्यासाठी तुम्हाला तुमचा १२ अंकी आधार क्रमांक टाकावा लागेल. त्यानंतर कॅप्चा कोड टाका आणि पाठवा OTP वर क्लिक करा.
  • यानंतर तुमच्या नोंदणीकृत मोबाईल नंबरवर एक OTP येईल. ते प्रविष्ट करा आणि लॉग इन करा.
  • आता आधार अपडेट पर्यायावर जा. त्यानंतर Proceed to Aadhar Update या पर्यायावर क्लिक करा.
  • यानंतर पुढील पेजवर पत्ता निवडा आणि Proceed to Aadhar Update या पर्यायावर क्लिक करा.
  • असे केल्याने तुमचा सध्याचा पत्ता तुमच्या समोर येईल.
  • यानंतर, तुम्हाला अपडेट करायचा असलेल्या पत्त्याचा पर्याय येईल.
  • येथे तुम्हाला तुमच्या नवीन पत्त्याची माहिती भरावी लागेल.
  • यानंतर, एक कागदपत्र सबमिट करावे लागेल ज्यावर तुमचा नवीन पत्ता असेल.
  • यानंतर तुम्हाला खालील दोन्ही चेक बॉक्सवर क्लिक करावे लागेल आणि Nest वर क्लिक करावे लागेल.
  • आता पेमेंटचा पर्याय तुमच्या समोर येईल. येथे तुम्ही तुम्हाला हवे तसे UPI नेट बँकिंग किंवा कार्डद्वारे पेमेंट करू शकता.
  • पेमेंट पूर्ण झाल्यावर तुम्हाला पावती मिळेल. यानंतर तुमचा आधार 2 दिवसात अपडेट होईल.

देशातील 134 कोटी लोकांकडे आधार

या वर्षी जुलै अखेरपर्यंत 134 कोटींहून अधिक आधार कार्ड तयार झाले आहेत. मंत्रालयाने दिलेल्या माहितीनुसार, जवळपास 26 राज्ये आणि केंद्रशासित प्रदेशांमध्ये 90% लोकांसाठी आधार कार्ड बनवण्यात आले आहेत. त्याचवेळी, आयटी मंत्रालयाच्या म्हणण्यानुसार, जुलै 2022 मध्ये 1.47 कोटी लोकांनी त्यांचे आधार कार्ड अपडेट केले आहे. यासाठी लोकांनी आधार केंद्र आणि ऑनलाइन आधार अपडेट पोर्टलची मदत घेतली आहे. आत्तापर्यंत म्हणजेच जुलै अखेरपर्यंत एकूण 63.55 कोटी लोकांनी त्यांच्या आधार कार्डचे लोकसंख्या आणि बायोमेट्रिक तपशील अपडेट केले आहेत.

बातम्या आणखी आहेत...