कॉग्निझंट करणार 3,500 कर्मचाऱ्यांची कपात:खर्च कमी करण्यासाठी आपली काही कार्यालये देखील बंद करणार

दिग्गज आयटी कंपनी कॉग्निझंटने 3,500 कर्मचाऱ्यांना कामावरून काढण्याचा निर्णय घेतला आहे. याशिवाय खर्च कमी करण्यासाठी कंपनी आपली काही कार्यालयेही देखील बंद करणार आहे. कॉग्निझंट ही यूएस कंपनी आहे. परंतू तिच्या कामकाजाचा मोठा भाग भारतात देखील आहे. अमेरिकेसह युरोपीय देशांत असलेल्या मंदीचा परिणाम आयटी कंपन्यांच्या कमाईवर झाला आहे. कॉग्निझंटमध्ये सध्यस्थितीत 3 लाख 55 हजार 300 कर्मचारी आहेत.

गेल्या वर्षातील कॉग्निझंटचे वर्कफोर्स

कॉग्निझंटच्या महसुलात मोठी घट
कॉग्निझंटने वार्षिक आधारावर नफ्यात किरकोळ 3% वाढ नोंदवली आहे. त्याचवेळी, कंपनीचा महसूल $ 4.81 अब्ज झाला. वर्षानुवर्षे महसूल 0.3% कमी झाला.

मेटा आणि IBM मध्ये देखील कर्मचारी कपात
फेसबुक, इन्स्टाग्राम आणि व्हॉट्सअ‌ॅपची मूळ कंपनी मेटा 10,000 कर्मचाऱ्यांना कामावरून काढून टाकणार आहे. ही कपात या महिन्यापासून म्हणजेच मे महिन्यापासून सुरू होईल. मेटाने यापूर्वी 11,000 कर्मचाऱ्यांना कामावरून काढून टाकले होते, जे संपूर्ण कर्मचाऱ्यांच्या 13% होते.

टेक कंपनी इंटरनॅशनल बिझनेस मशिन्स कॉर्प (IBM) ने देखील AI नोकर्‍या भरती थांबवण्याची आणि विकसित करण्याची योजना करत आहे. कंपनीचे सीईओ अरविंद कृष्णा यांनी ब्लूमबर्गला दिलेल्या मुलाखतीत कंपनीचा प्लॅन सांगितला. अरविंद म्हणाले होते की, कंपनीमध्ये सध्या सुमारे 26 हजार कर्मचारी नॉन कस्टमर फेसिंग रोलमध्ये आहेत. मला दिसत आहे की, पुढील 5 वर्षांत 30% कर्मचारी एआय आणि ऑटोमेशनद्वारे बदलले जातील. याचा अर्थ IBM सुमारे 7800 कर्मचाऱ्यांना AI सह बदलू शकते.

डिस्ने काढणार 4 हजार कर्मचाऱ्यांना
अमेरिकेतील प्रसिद्ध मास मीडिया आणि मनोरंजन कंपनी वॉल्ट डिस्नेने टाळेबंदीची दुसरी फेरी सुरू केली आहे. या फेऱ्यातून सुमारे 4000 कर्मचाऱ्यांच्या नोकऱ्या गमवाव्या लागणार आहेत. या वर्षाच्या सुरुवातीला डिस्नेने 7000 कर्मचाऱ्यांना काढून टाकले होते.