आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

Asian Paints चे चौथ्या तिमाहिचे निकाल:श्रीलंकेतील नुकसानीमुळे निव्वळ नफा रु. 850.42 कोटी, 15.50 रुपयांचा लाभांश

मुंबई2 महिन्यांपूर्वी
  • कॉपी लिंक

एशियन पेंट्सने मंगळवारी 31 मार्च रोजी संपलेल्या तिमाहीचे निकाल जाहीर केले. या तिमाहीत कंपनीचा निव्वळ नफा 0.20% घसरून रु. 850.42 कोटी झाला आहे. गेल्या वर्षी याच तिमाहीत कंपनीला 852.13 कोटी रुपये नफा झाला होता. कंपनीने मुंबई शेअर बाजाराला दिलेल्या माहितीमध्ये म्हटले की, श्रीलंकेमधील व्यवसायात अचानक 115.70 कोटी रुपयांचे नुकसान आणि सरकारकडून अनुदानास विलंब झाल्यामुळे नफा कमी झाला आहे.

15.50 रुपयांच्या लाभांशाची घोषणा

मार्च तिमाहीत कंपनीचा विक्रीच्या माध्यमातून महसूल 20.60% वाढून रु. 7,889.94 कोटी झाला आहे. गेल्या वर्षी याच तिमाहीत 6,541.94 कोटी रुपये महसूल होता. फर्मने रु.15.50 चा अंतिम लाभांश देखील घोषित केला आहे. मंगळवारी Asier Paint चा शेअर Rs 85.75 किंवा 2.85% ने वाढून Rs 3,091.00 वर बंद झाला. या समभागाने यावर्षी 9.68% निगेटीव्ह परतावा दिला आहे.

आव्हाने असूनही दुहेरी अंकांची वाढ

एशियन पेंट्सचे व्यवस्थापकीय संचालक आणि सीईओ अमित सिंगल म्हणाले की, "COVID मुळे वाढलेली अनिश्चितता, मॅक्रो-इकॉनॉमिक आव्हाने आणि राजकीय तणाव असूनही, कंपनीने दुसर्‍या तिमाहीत सर्व व्यवसायांमध्ये ठोस आणि मजबूत दुहेरी अंकांची वाढ मिळवली आहे. ते म्हणाले की, घरगुती सजावटीच्या व्यवसायात जोरदार वाढ झाली आहे. आंतरराष्ट्रीय व्यवसायातही महसुलातील वाढ दोन अंकी झाली आहे.

बातम्या आणखी आहेत...