फायद्याची बातमी:ई-वाहन कर्जावर SBI कडून व्याजदरात सवलत, प्रक्रिया शुल्क देखील लागणार नाही

सार्वजनिक क्षेत्रातील देशातील सर्वात मोठी बँक स्टेट बँक ऑफ इंडिया (SBI) ने इलेक्ट्रिक वाहने खरेदी करण्यासाठी ग्रीन कार कर्ज योजना आणली आहे. या अंतर्गत कर्जाच्या व्याजदरावर 0.20% सूट दिली जात आहे. याशिवाय, तुम्हाला कर्जासाठी प्रक्रिया शुल्क देखील भरावे लागणार नाही.

ऑफरची खास वैशिष्ट्ये

इलेक्ट्रिक वाहने घेण्यासाठी या बँका कमी व्याजावर कर्जही देत आहेत

तुम्ही इलेक्ट्रिक वाहनावरील कर सवलतीचाही लाभ घेऊ शकता

सामान्यत: व्यवसाय करणाऱ्या करदात्यांना घसारा आणि वाहन घेतल्यावर कर्जावरील व्याजावर आयकरात सूट मिळते, परंतु पगारदार करदात्यांना ही सुविधा मिळत नाही. तथापि, इलेक्ट्रिक वाहनांच्या बाबतीत यामध्ये फरक आहे. सध्या सरकार यासाठी मोठ्या प्रमाणावर प्रोत्साहन देत आहे.

जर तुम्ही इलेक्ट्रिक वाहन खरेदी करण्यासाठी कर्ज घेतले असेल, तर आयकर कलम 80EEV अंतर्गत त्यावर भरलेले व्याज कमाल 1.5 लाख रुपयांपर्यंत कापले जाईल. या कपातीचा दावा करण्यासाठी अट अशी आहे की, कर्ज बँक किंवा NBFC कडून असावे आणि कर्ज 1 एप्रिल 2019 ते 31 मार्च 2023 दरम्यान मंजूर केलेले असावे. ही करातील सूट केवळ वैयक्तिक करदात्यासाठी उपलब्ध असेल.