आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • Elon Musk Ready To Resign As Ceo Of Twitter; Elon Musk Shocking Announcement | Twitter

मस्क यांची घोषणा- CEO पदाचा राजीनामा देणार:म्हणाले- हे पद सांभाळणारा एखादा मूर्ख भेटताच राजीनामा देईन

न्यूयॉर्कएका महिन्यापूर्वी
  • कॉपी लिंक

ट्विटरचे नवे बॉस एलन मस्क यांनी कंपनीच्या सीईओ पदाचा राजीनामा देणार असल्याचे जाहीर केले आहे. त्यांनी ट्विट केले की - हे पद सांभाळणारा एखादा मूर्ख सापडताच मी या पदाचा राजीनामा देईन. त्यानंतर, मी फक्त सॉफ्टवेअर आणि सर्व्हर टीम सांभाळेल.

त्यांनी 19 डिसेंबर रोजी युजर्सना विचारले होते की, त्यांनी त्यांच्या पदावर कायम राहावे की ते सोडावे? पोलमध्ये, 57.5% वापरकर्त्यांनी 'होय' आणि 42.5% लोकांनी 'नाही' असे उत्तर दिले.

मस्क यांनी पोल करून युजर्सला मत विचारले
मस्क यांनी एक ट्विटर पोल केला होता. त्यात त्यांनी लिहिले की, मी ट्विटरचे सीईओ पद सोडावे का? यासोबतच त्यांनी लिहिले होते की, या मतदानाचा निकाल काहीही लागला तरी मी त्याचे पालन करेन. बहुतांश युजर्सने पद सोडण्यास सांगितले होते.

मोठ्या बदलांमधून जात आहे ट्विटर
एलन मस्क यांनी ऑक्टोबरमध्ये $44 बिलियन म्हणजेच 3.58 लाख कोटी रुपयांना ट्विटर विकत घेतले. ट्विटरचा पदभार स्वीकारल्यापासून मस्क कंपनीत मोठे बदल करण्यात व्यस्त आहेत. काही दिवसांपूर्वी, त्यांनी पहिल्या फेरीत सुमारे 3,700 कर्मचाऱ्यांना कामावरून काढून टाकले होते. सीईओ पराग अग्रवाल यांच्यासह त्यांनी ही टाळेबंदी सुरू केली होती.

इतर प्लॅटफॉर्म विनामूल्य जाहिरात करू शकणार नाहीत
तत्पूर्वी, रविवारी ट्विटरने जाहीर केले की ते इतर कोणत्याही सोशल मीडिया प्लॅटफॉर्मचा विनामूल्य प्रचार करणार नाही. कंपनीने म्हटले होते की, 'आता आम्ही इतर सोशल प्लॅटफॉर्म आणि त्यांच्या सामग्रीचा प्रचार करण्याच्या उद्देशाने बनवलेले ट्विटर हँडल ब्लॉक करू.

यामध्ये फेसबुक, इंस्टाग्राम, मास्टोडॉन, टूथ सोशल या प्लॅटफॉर्मचा समावेश आहे. ट्विटरने शनिवारी भारतीय सोशल मीडिया प्लॅटफॉर्म koo अॅपचे खातेही निलंबित केले.

बातम्या आणखी आहेत...