ट्विटर पत्रकारांची निलंबित खाती कार्यान्वित करणार:मस्क म्हणाले- सर्व खात्यांचे निलंबन मागे घेतले जाईल, पण नियमांचे पालन व्हावे

ट्विटरने आता पत्रकारांची निलंबित खाती पुन्हा संग्रहित (रिस्टोअर) करण्यास सुरुवात केली आहे. एवढेच नाही तर कंपनी पुढील 30 दिवसांत आणखी काही निलंबित खाती पुन्हा कार्यान्वित करण्याचा विचार करित आहे. ट्विटरचे मालक एलन मस्क यांनी ट्विटरबद्दल बातम्या लिहिणाऱ्या अनेक पत्रकारांची खाती कायमची निलंबित केली होती. त्यानंतर त्यांनी पुन्हा ही खाती सुरू करण्याचा निर्णय घेतला आहे.

टीकेनंतर निलंबित खाती पुन्हा पुनर्संचयित करणार
ट्विटरच्या या निर्णयानंतर संयुक्त राष्ट्राचे सरचिटणीस अँटोनियो गुटेरेस यांनी पत्रकारांच्या ट्विटर खात्यांवर बंदी घालण्याच्या निर्णयाचा निषेध केला होता. इतकेच नाही तर अनेक देशांचे अधिकारी आणि अनेक लोकांनी ट्विटरच्या या निर्णयावर जोरदार टीकाही केली. काही अधिकाऱ्यांनी सांगितले की, ट्विटर 'प्रेस फ्रीडम' धोक्यात आणू लागला आहे.

सततच्या टीकेनंतर आता ट्विटरने पत्रकारांची सस्पेंड केलेली खाती पुन्हा कार्यान्वित करण्याचा निर्णय घेतला आहे. शुक्रवारी रात्री ट्विटरच्या वतीने सांगितले की, कंपनीने अनेक धोरणे बदलली आहेत. ज्यामध्ये कायमस्वरूपी निलंबित खाते पुन्हा संचयित करण्याचा निर्णय घेतला जात आहे. परंतू, जी खाती पुन्हा कार्यान्वित झाली आहे. त्यांनी नियमांचे पालन करावे लागेल. गंभीर उल्लंघनांसाठी कायमस्वरूपी निलंबन ही अंमलबजावणी कारवाई म्हणून सुरू राहील.

सर्व खात्यांचे निलंबन मागे घेतले जाईल : एलन मस्क
ट्विटरचे मालक एलन मस्क यांनीही एका ट्विटमध्ये म्हटले आहे की, सोशल मीडिया साइटवरील मतदानानंतर, त्याचे स्थान डॉक्स करणाऱ्या सर्व खात्यांचे निलंबन आता मागे घेण्यात येईल. मस्क कधी कधी मतदानातून लोकांना विचारून निर्णय घेतात. या आठवड्याच्या सुरुवातीला ट्विटरने अनेक प्रमुख पत्रकारांची खाती निलंबित केली होती. त्यावर त्यांनी मतदानातील सुमारे 59% लोकांनी पत्रकारांच्या खात्यातून निलंबन मागे घेण्याच्या बाजूने मतदान केले.

मस्कचे लोकेशन शेअर केल्याचा पत्रकारांवर आरोप

मस्क यांचे लोकेशन शेअर करण्याचा आरोप न्यूयॉर्क टाइम्स, वॉशिंग्टन पोस्ट, सीएनएन आणि व्हॉईस ऑफ अमेरिकाच्या पत्रकारांवर करण्यात आला होता. एवढेच नाही तर या पत्रकारांचे ट्विटर प्रोफाइल आणि जुने ट्विटही गायब झाले होते. पत्रकारांची खाती मस्क यांनी आपल्या कुटुंबाला धोक्यात आणल्याचा आरोप करत निलंबित केले होते.

म्हणाले होते- काही नियम पत्रकारांनाही लागू होतात

मस्क म्हणाले होते की, मंगळवार रात्री कोणीतरी माझ्या कुटुंबाचा पाठलाग केला. दिवसभर माझ्यावर टीका करणे ठीक आहे, परंतु माझे रिअल टाइम लोकेशन शेअर करणे आणि माझ्या कुटुंबाला धोक्यात घालणे योग्य नाही. काही नियम पत्रकारांनाही लागू होतात.

मस्कचे टीकाकार, पण कोणतेही नियम मोडले नाहीत: पत्रकार
मॅशबल न्यूज आउटलेटच्या मॅट बाइंडरने ट्विटरवर लॉग इन करण्याचा प्रयत्न केला. जेव्हा त्याला त्याचे ट्विटर खाते कायमचे निलंबित करण्यात आले आहे. यानंतर मॅट बाइंडरने सांगितले की, मी कोणतेही लोकेशन डेटा शेअर केलेला नाही. तसेच मी Alanjet किंवा इतर कोणत्याही लोकेशन ट्रॅकिंग खात्याची लिंक शेअर केली नाही. मी मस्कची टीका करतो, पण मी कधीही ट्विटरचे कोणतेही नियम मोडलेले नाहीत.

वॉशिंग्टन पोस्टच्या कार्यकारी संपादक सॅली बजबी यांनी सांगितले की, पत्रकारांची खाती निलंबित केल्याने मस्कच्या दाव्याला धक्का बसला आहे. त्यांनी ट्विटरला मुक्त भाषण व्यासपीठ बनविण्याचे वचन दिले होते. सीएनएननेही एक निवेदन जारी करून ते चिंताजनक असल्याचे म्हटले आहे.

ट्विटरने लोकेशन शेअरिंगचे नियम बदलले
बुधवारी मस्कने त्याच्या खासगी जेट फ्लाइटची माहिती शेअर करणाऱ्या ट्विटर अकाउंटवर बंदी घातली. हे खाते मस्कच्या फ्लाइटचा मागोवा घेत होते. यानंतर ट्विटरनेही आपले नियम बदलले. आता एखाद्या व्यक्तीच्या संमतीशिवाय त्याचे रिअल टाइम लोकेशन शेअर करण्यावर बंदी घालण्यात आली आहे. ज्या पत्रकारांची खाती निलंबित करण्यात आली आहेत त्यापैकी अनेकांनी ट्विटरच्या या नवीन नियमाबद्दल आणि त्यामागील मस्कच्या तर्काबद्दल लिहिलं होतं.

काही दिवसांपूर्वी मस्कच्या फ्लाइटचा मागोवा घेणारे ट्विटर खाते निलंबित करण्यात आले होते.

पत्रकारांच्या खात्यावर बंदी घालणे धोकादायक पाऊल - संयुक्त राष्ट्र

पत्रकारांच्या खाते निलंबनावर संयुक्त राष्ट्र महासचिवांचे प्रवक्ते स्टीफन दुजारिक म्हणाले होते की, 'पत्रकारांच्या खात्यांवर बंदी घालणे हे एक धोकादायक पाऊल आहे. पत्रकारांच्या खात्यांवर या मनमानी बंदीमुळे संयुक्त राष्ट्राचे सरचिटणीस चिंतेत आहेत. ट्विटर हे एक व्यासपीठ आहे. जिथे जगभरातील पत्रकार मुक्तपणे आपले विचार व्यक्त करतात.

स्टीफन पुढे म्हणाले, 'अभिव्यक्ती स्वातंत्र्याचा दावा करणाऱ्या अशा मीडिया प्लॅटफॉर्मवर गप्प बसू नये. जगभरातील पत्रकार सेन्सॉरशिप, त्यांच्या जीवाला धोका आणि वाईट परिस्थितीचा सामना करत असताना हे पाऊल उचलणे हे एक वाईट उदाहरण आहे.