आयातीमध्ये वाढ:शुल्क आणि किंमत कमी झाल्याने मार्चमध्ये सोन्याच्या आयातीमध्ये 470% झाली वाढ, यामुळे वाढू शकतो रुपयावरील दबाव

देशात सोन्याची खरेदी वाढली आहे. यावर्षी मार्चमध्ये सोन्याच्या आयातीमध्ये तब्बल 471% वाढ झाली आहे. ते सुमारे 160 टन होते. न्यूज वेबसाइट रॉयटर्सने गुरुवारी ही माहिती दिली.

सोन्याची किंमत सातत्याने कमी झाली
आयात वाढवण्याची दोन विशिष्ट कारणे आहेत. एक म्हणजे फेब्रुवारीमध्ये सरकारने सोन्याचे आयात शुल्क कमी करून 10.75 टक्क्यांवर आणले, जे पूर्वी 12% टक्के होते. याखेरीज सोन्याच्या किंमतीत सातत्याने घट झाली. गेल्या वर्षी ऑगस्टमध्ये 10 ग्रॅमची किंमत 56,200 रुपयांवर पोहोचली होती. ही आतापर्यंतची सर्वोच्च किंमत आहे. मार्च 2021 मध्ये सोन्याचा भावात मोठी घसरण झाली होती. 10 ग्रॅमसाठी 43,320 रुपये इतका भाव झाला होता. भारत जगातील दुस-या क्रमांकाचा सोन्याचा खरेदीदार आहे.

आयात वाढल्यामुळे रुपया कमकुवत होऊ शकतो
सोन्याच्या आयातीतील वाढीसह भारताची ट्रेड डेफिसिट वाढू शकते आणि डॉलरच्या तुलनेत रुपयाचे मूल्य कमी होण्याची शक्यता आहे. सूत्रांनी दिलेल्या माहितीनुसार मार्च तिमाहीत विक्रमी 321 टन आयात झाली होती, तर गेल्या वर्षी याच काळात ती 124 टन होती. जर आपण मूल्यांच्या दृष्टीने बोलायचे ठरवले तर मार्चमधील आयात वाढून 61.53 हजार कोटी रुपये झाली.

प्रीमियमवर सोने विकले गेले
दागिन्यांच्या व्यवसायाशी संबंधित व्यापा-यांनी सांगितले की, वाढत्या मागणीमुळे संपूर्ण महिन्यात प्रीमियमवर सोन्याची विक्री झाली. या कालावधीत एका पौंडवर 6 डॉलर पर्यंत प्रीमियम घेतला जातो. दरम्यान, कोरोनाचा वाढता प्रादुर्भाव लक्षात घेता, त्याची मागणी कमी होऊ शकते. कारण देशात कोरोनाची प्रकरणे झपाट्याने वाढत आहेत. अशा परिस्थितीत सरकार नवीन निर्बंध लादू शकेल.

कोरोना सतत वाढत आहे, सोन्याच्या किंमतीत आणखी घट होऊ शकते
गुरुवारी, 81,398 लोकांचा कोरोना अहवाल सकारात्मक आला, 50,384 रुग्ण बरे झाले आणि 468 लोकांचा मृत्यू झाला. हा आकडा गेल्या वर्षी 1 ऑक्टोबरनंतरचा सर्वाधिक आहे. त्यावेळी 81,785 केस समोर आले होते. हे आकडे covid19india.org वरून घेतले आहेत.