SBI चा चौथ्या तिमाहीतील निकाल जाहीर:स्टेट बँकेचा निव्वळ नफा 41% वाढून रु. 9113 कोटींवर, प्रति शेअर 7.10 रुपये लाभांश

स्टेट बँक ऑफ इंडिया (SBI) ने शुक्रवारी मार्चमध्ये संपलेल्या तिमाहीचे निकाल जाहीर केले. बँकेचा स्वतंत्र निव्वळ नफा 41.27% ने वाढून रु. 9,113.53 कोटी झाला आहे. मागील वर्षीच्या याच तिमाहीत तो 6,450.75 कोटी रुपये होता. बँकेचा हा सर्वाधिक तिमाही निव्वळ नफा आहे. SBI च्या बोर्डाने 7.10 रुपये प्रति शेअर लाभांश मंजूर केला आहे.

SBI चे निव्वळ व्याज उत्पन्न या तिमाहीत 31,198 कोटी रुपये होते. गेल्या वर्षी कंपनीच्या 27,067 कोटी रुपयांच्या घोषित उत्पन्नापेक्षा हे 15.26% जास्त आहे. आर्थिक वर्ष 2022 साठी ऑपरेटिंग नफा 5.22% वाढून 75,292 कोटी रुपये झाला. ते Q4FY22 साठी 19,717 कोटी रुपये झाला.

एकूण NPA 3.97% पर्यंत कमी

बँकेचा ग्रॉस एनपीए वार्षिक आधारावर 4.50% वरून 3.97% पर्यंत घसरला, तर निव्वळ NPA 1.34% वरून 1.02% पर्यंत घसरला.

किरकोळ पोर्टफोलिओ 10 लाखाच्या पुढे

SBI ची तरतूद तिमाहीच्या आधारावर रु. 6,974 कोटींवरून रु. 7,237 कोटी झाली आहे. त्याच वेळी, बँकेच्या रिटेल पोर्टफोलिओने देखील FY22 मध्ये 10 लाख कोटी रुपयांचा टप्पा ओलांडला आहे.