महागाई:दैनंदिन वापरातील उत्पादनांचा महागाई दर घटून 7.9 टक्क्यांवर

ऑक्टोबर-डिसेंबर तिमाहीत दैनंदिन वापरातील उत्पादनांच्या (एफएमसीजी) महागाई दरात घट झाली आहे. जुलै-सप्टेंबर तिमाहीत एफएमसीजी प्रॉडक्ट्सचे भाव ९.९%च्या दराने वाढले हाेते. ऑक्टोबर-डिसेंबरमध्येही घट ७.९% वर आली. तेलासारख्या काही कच्च्या मालाच्या किमतीत झालेली घसरण त्याचे कारण होते. यापूर्वी, टूथपेस्ट, साबण, बिस्किटे यासारख्या एफएमसीजी उत्पादनांच्या किमती गेल्या काही तिमाहीत सातत्याने वाढत होत्या. कच्च्या मालाच्या किमती वाढल्याने कंपन्यांनी महागाईचा बोजा सर्वसामान्य ग्राहकांवर टाकण्यास सुरुवात केली होती. मात्र आता या प्रकरणात दिलासा मिळाला आहे. भाव सलग वाढल्यामुळे काही तिमाहीपासून एफएमसीजी क्षेत्राच्या विक्रीत कमी आली होती. मात्र डिसेंबर तिमाहीत किमती नियंत्रणात आल्याने विक्रीत सप्टेंबर तिमाहीच्या तुलनेत थोडी सुधारणा झाली. सप्टेंबर तिमाहीत विक्रीत ०.७% ने घट झाली, तर डिसेंबर तिमाहीत ही घसरण ०.३% होती.

वॉशिंग पावडर, साबणांची विक्री घटली नीलसनआयक्यूच्या मते, गेल्या काही तिमाहीत वॉशिंग पावडर, डिटर्जंट टॅब्लेट, टॉयलेट साबण, शैम्पू यांसारख्या गैर-खाद्य वस्तूंची विक्री कोविडपूर्व पातळीपर्यंत घसरली. यामुळे कंपन्यांनी किरकोळ दुकानातील स्टॉक कमी केला. कंपनीने या श्रेणींच्या जाहिरातीही कमी केल्या आहेत.

^गेल्या एक वर्षापासून ग्राहक मोठ्या पॅकऐवजी छोटे पॅक खरेदी करत आहेत. कंपन्यांनी वजन कमी केले आहे. मात्र आता परिस्थिती सुधारण्याची चिन्हे दिसत आहेत. - सतीश पिल्लई, एमडी, इंडिया, नीलसन आयक्यू