इन्फोसिसचे अध्यक्ष मोहित जोशींचा राजीनामा:टेक महिंद्राचे होणार MD आणि CEO,20 डिसेंबरपासून कमान सांभाळणार

इन्फोसिसचे अध्यक्ष मोहित जोशी यांनी राजीनामा दिला आहे. मोहित आता टेक महिंद्राचे व्यवस्थापकीय संचालक आणि मुख्य कार्यकारी अधिकारी असतील. ते जूनपर्यंत इन्फोन्सिसचे काम करतील. गेल्या 22 वर्षांपासून ते इन्फोसिसमध्ये काम करत होते. 2000 मध्ये ते इन्फोसिसमध्ये रुजू झाले होते.

इन्फोसिस यांनी सांगितले होते की, मोहित जोशी 11 मार्च 2023 पासून रजेवर जाणार आहे. कंपनीसोबतचा त्यांचा शेवटचा दिवस 09 जून 2023 हा असेल. इन्फोसिसच्या अधिकृत वेबसाइटनुसार, मोहित कंपनीच्या सॉफ्टवेअर, वित्तीय सेवा, आरोग्य सेवा, जीवन विज्ञान व्यवसायाचे प्रमुख होते.

20 डिसेंबरला टेक महिंद्राचा पदभार स्विकारणार मोहित जोशी 20 डिसेंबर 2023 पासून टेक महिंद्रा कंपनीच्या बोर्डावर संचालक बनतील. तर 19 डिसेंबर 2028 पासून कंपनीचे एमडी म्हणून पदभार स्वीकारतील. मोहित यांनी इन्फोसिसपूर्वी ABN Ambro, ANZ Grindlays कंपनीत काम केलेले आहे.

दिल्ली विद्यापीठातून एमबीएचे शिक्षण
मोहित जोशी यांनी दिल्ली विद्यापीठाच्या मॅनेजमेंट स्टडीज फॅकल्टीमधून एमबीए केलेले आहे. यापूर्वी त्यांनी दिल्लीच्या सेंट स्टीफन्स कॉलेजमधून इतिहासात पदवी घेतली होती. मोहित जोशी 2014 मध्ये वर्ल्ड इकॉनॉमिक फोरम दावोसच्या यंग ग्लोबल लीडर्स प्रोग्रामचे देखील भाग होते. या शिवाय ते युवा अध्यक्ष संघटनेचे सदस्य देखील आहेत.

रवी कुमार यांनीही इन्फोसिसचा राजीनामा दिला
यापूर्वी इन्फोसिसचे माजी अध्यक्ष रवी कुमार यांनीही राजीनामा दिला होता. ते आयटी कंपनी कॉग्निझंटचे सीईओ बनले. रवी कुमार यांनी 20 वर्षे इन्फोसिस कंपनीचे अध्यक्ष आणि COO म्हणून काम केले होते.

ऑक्टोबर-डिसेंबर तिमाहीत दोन्ही कंपन्यांच्या नफ्यात वाढ
ऑक्टोबर-डिसेंबर तिमाहीत टेक महिंद्रा कंपनीचा नफा आणि उत्पन्न दोन्ही वाढले. 2022-23 च्या जुलै-सप्टेंबर तिमाहीच्या तुलनेत 2022-23 च्या ऑक्टोबर-डिसेंबर तिमाहीत कंपनीचा नफा 1,290 कोटी रुपयांवरून 1,300 कोटी रुपयांवर वाढला आहे. या कालावधीत कंपनीचे उत्पन्न 13,130 कोटी रुपयांवरून 13,730 कोटी रुपये झाले.

त्याचवेळी गेल्या तिमाहीत इन्फोसिसच्या नफ्यातही वाढ झाली आहे. ऑक्टोबर-डिसेंबर 2022-23 या कालावधीत निव्वळ नफा 13.4% ने वाढून 6,586 कोटी रुपये झाला. त्याच वेळी, मागील वर्षीच्या तिमाहीत ते 5,809 कोटी रुपये होते. त्याच वेळी, जुलै-सप्टेंबर तिमाहीत निव्वळ नफा 6021 कोटी रुपये होता. वार्षिक आधारावर, इन्फोसिसचा महसूल 31,867 कोटी रुपयांवरून 20% वाढून 38,318 कोटी रुपये झाला आहे. त्याच वेळी, सप्टेंबर तिमाहीत 36538 कोटीं रुपयांवरून 5% ने वाढ झाली.