जेपी मॉर्गनने खरेदी केली फर्स्ट रिपब्लिक बँक:बँक वाचवण्याचे सर्व प्रयत्न अयशस्वी, ठेवीदारांना त्यांच्या खात्यांचा पूर्णपणे अ‍ॅक्सेस

जेपी मॉर्गन चेस अँड कंपनीने संकटग्रस्त फर्स्ट रिपब्लिक बँक ऑफ अमेरिका विकत घेतली आहे. बँक वाचवण्याचे सर्व प्रयत्न अयशस्वी ठरल्यानंतर ही कारवाई करण्यात येत आहे. संकटात सापडल्यानंतर बँक नियामकांनी ताब्यात घेतली होती.

फर्स्ट रिपब्लिक बँकेची 8 राज्यांतील 84 कार्यालये JPMorgan चेस बँक शाखा म्हणून पुन्हा उघडतील. जेपी मॉर्गन चेस बँक, सर्व फर्स्ट रिपब्लिक बँकेची डिपॉझिटरी, नॅशनल असोसिएशनची डिपॉझिटरी बनेल. ठेवीदारांनाही त्यांच्या खात्यात पूर्ण अ‍ॅक्सेस मिळेल.

जेपी मॉर्गन फर्स्ट रिपब्लिकची सर्व मालमत्ता ताब्यात घेणार

कॅलिफोर्निया डिपार्टमेंट ऑफ फायनान्शियल प्रोटेक्शन अँड इनोव्हेशनने एका निवेदनात म्हटले आहे की, जेपी मॉर्गन फर्स्ट रिपब्लिकची सर्व मालमत्ता ताब्यात घेईल. 13 एप्रिल 2023 पर्यंत, फर्स्ट रिपब्लिक बँकेची एकूण मालमत्ता अंदाजे 229.1 अब्ज डॉलर आणि एकूण ठेवी 103.9 अब्ज डॉलर होत्या.

जेपी मॉर्गन हे सिटीझन फायनान्शियल ग्रुप, पीएमसी आणि फायनान्शियल सर्व्हिसेस ग्रुपसह बँकेसाठी बोली लावणाऱ्यांमध्ये होते. जेपी मॉर्गन आणि फेडरल डिपॉझिट इन्शुरन्स कॉर्पोरेशन वसुली तसेच सिंगल फॅमिली आणि व्यावसायिक कर्जासाठी नुकसान सामायिक करतील.

अमेरिकेच्या 11 मोठ्या बँकांचा पुढाकार

16 मार्च रोजी अमेरिकेच्या 11 मोठ्या बँका रिपब्लिकला बुडण्यापासून वाचवण्यासाठी पुढे आल्या होत्या. ठेवीदारांना पैसे काढताना कोणतीही अडचण येऊ नये म्हणून या बँकांनी फर्स्ट रिपब्लिकमध्ये 30 बिलियन डॉलर (सुमारे 2.5 लाख कोटी) गुंतवणूक करण्याचे वचन दिले होते. 11 बँकांमध्ये जेपी मॉर्गन, सिटीग्रुप, बँक ऑफ अमेरिका, वेल्स फार्गो, मॉर्गन स्टॅनले, यूएस बँकॉर्प, ट्रूस्ट फायनान्शियल, पीएनसी फायनान्शियल यांचा समावेश होता.

जेपी मॉर्गन, बँक ऑफ अमेरिका, सिटीग्रुप आणि वेल्स फार्गो यांनी प्रत्येकी 5 अब्ज डॉलर निधी देण्याचे वचन दिले आहे. त्याच वेळी गोल्डमन सॅक्स आणि मॉर्गन स्टॅनली यांनी 2.5 बिलियन डॉलरची गुंतवणूक केली होती. उर्वरित बँकांनीही भांडवल ठेवले होते. ज्या अमेरिकन बँकांनी भांडवल ठेवले होते त्यांनी म्हटले होते की, 'हे पाऊल फर्स्ट रिपब्लिक आणि सर्व आकाराच्या बँकांवरील त्यांचा विश्वास दर्शवते.'

बँकेची अनेक वेळा खरेदी-विक्री

फर्स्ट रिपब्लिक बँक अनेक वेळा खरेदी आणि विकली गेली आहे. मेरिल लिंच अँड कंपनीने 2007 मध्ये 1.8 बिलियन डॉलरला फर्स्ट रिपब्लिक विकत घेतले. 2009 मध्ये मेरिल लिंचच्या खरेदीनंतर, मालकी बँक ऑफ अमेरिकाकडे आली. हे 2010 मध्ये जनरल अटलांटिक आणि कॉलनी कॅपिटल, इतर गुंतवणूक संस्थांद्वारे 1.86 अब्ज डॉलर मध्ये विकत घेतली आणि सार्वजनिक क्षेत्रातील बँक केले.