सर्वात स्वस्त 5G स्मार्टफोन लॉंच:लावाचा ब्लेझ 5G फोन मिळेल 9,999 रुपयाला; यात 50 MP ट्रिपल रिअर कॅमेरा सेटअप

स्मार्टफोन निर्माता Lava ने Lava Blaze 5G सोमवारी (दि.7) नोव्हेंबरला लॉंच केला आहे. या 5G स्मार्टफोनची किंमत 9,999 रुपये ठेवण्यात आली आहे. कंपनीने Lava Blaze 5G मध्ये 6.5-इंचाचा HD+ IPS डिस्प्ले दिला आहे. हा स्मार्टफोन तुम्ही ई-कॉमर्स वेबसाइट अ‌ॅमेझॉन वरून खरेदी करू शकाल. हा देशातील पहिला 5G फोन आहे, जो 10 हजार रुपयांच्या आत आहे.

फोनमध्ये ट्रिपल रियर कॅमेरा सेटअप उपलब्ध
फोटोग्राफीसाठी फोनमध्ये ट्रिपल रियर कॅमेरा सेटअप उपलब्ध असेल. या कॅमेरा सेटअपचा प्राथमिक सेन्सर 50MP असेल. याशिवाय, सेल्फी आणि व्हिडिओ कॉलिंगसाठी फोनमध्ये 8MP सेल्फी कॅमेरा उपलब्ध असेल. हा फोन Android 12 ऑपरेटिंग सिस्टमवर काम करतो.

4GB रॅम आणि 128GB अंतर्गत स्टोरेज मिळेल
फोनमध्ये, कंपनी 1600×720 पिक्सेल रिझोल्यूशनसह 6.5-इंच HD + LCD पॅनेल देत आहे. त्याचा रीफ्रेश दर 90Hz आहे. या फोनमध्ये 4GB रॅम, 3GB व्हर्च्युअल रॅम आणि 128GB स्टोरेज आहे, ज्याला तुम्ही मायक्रो SD कार्डच्या मदतीने 1TB पर्यंत वाढवू शकता. Lava Blaze 5G दोन रंग पर्याय ग्लास ग्रीन आणि ग्लास ब्लू मध्ये लॉन्च करण्यात आला आहे.

5,000mAh ची शक्तिशाली बॅटरी
Lava Blaze 5G मध्ये Dimensity 700 प्रोसेसर उपलब्ध आहे. फोनमध्ये प्री-इंस्टॉल Android 12 OS देण्यात आला आहे. यात 5,000mAh बॅटरी आहे. फोनमध्ये ड्युअल सिम, वाय-फाय 6, ब्लूटूथ 5.1, जीपीएस, यूएसबी टाइप सी पोर्ट आणि 3.5 मिमी ऑडिओ जॅक आहे. सुरक्षेसाठी फेस अनलॉक आणि साइड फेसिंग फिंगरप्रिंट सेन्सर उपलब्ध आहेत.