लेन्सकार्टने 4,000 कोटींचा निधी उभारला:अबू धाबी गुंतवणूक प्राधिकरणाशी करार, आयपीओ लॉन्च करण्याचा प्लॅन

आयवेअर विक्रेता कंपनी लेन्सकार्टने अबू धाबी इन्व्हेस्टमेंट अथॉरिटी (ADIA) सोबत $500 दशलक्ष (सुमारे 4 हजार कोटी रुपये) उभारण्यासाठी करार केला आहे. कंपनीने बुधवारी याची घोषणा केली. लेन्सकार्टने हा निधी 4.5 अब्ज डॉलर मूल्यावर उभारला आहे. ADIA ने लेन्सकार्टमध्ये मागच्या राऊंडमध्ये समान मूल्यमापनात गुंतवणूक केली होती.

लेन्सकार्ट म्हणाले की, अबुधाबी इन्व्हेस्टमेंट अॅथॉरिटीसोबत प्राथमिक आणि दुय्यम दोन्ही समभागांच्या खरेदीद्वारे गुंतवणूक करेल. यासह, ADIA लेन्सकार्टच्या प्रमुख भागधारकांपैकी एक बनेल. या निधीसह, लेन्सकार्टचे 2022 पर्यंत सुमारे 750 दशलक्ष डॉलर उभे करण्याचे उदिष्ट्य आहे. KKR & Co, SoftBank Group Corp, Temasek Holdings Pte यांसारख्या गुंतवणूकदारांचाही लेन्सकार्टमध्ये हिस्सा आहे.

आंतरराष्ट्रीय स्तरावर उपलब्धीसाठी निधीचा वापर नवीन निधीचा उपयोग कंपनी भारतात आपली उपस्थिती वाढवण्यासाठी आणि आशिया आणि मध्य पूर्वेतील स्थान निश्चित करण्यासाठी या निधीचा वापर वाढवेल. लेन्सकार्डचे सद्या 2,000 पेक्षा जास्त स्टोअर्स आहेत, त्यापैकी 1,500 भारतात आहेत आणि बाकीचे दक्षिण पूर्व आशिया आणि मध्य पूर्व मध्ये आहेत. लेन्सकार्टचा नवीन कारखानाही लवकरच सुरू होणार आहे. यामध्ये चष्म्याच्या 2 कोटी पेअर्स तयार केल्या जाऊ शकतात.

लेन्सकार्टची सुरुवात झाली 2010 साली
पियुष बन्सल यांनी 2010 मध्ये अमित चौधरीसोबत लेन्सकार्ट सुरू केले. लेन्सकार्ट तंत्रज्ञानाचा फायदा घेऊन चष्मा आणि लेन्स विक्री केली जाते. बन्सल 48 महिन्यांच्या आत (इनिशियल पब्लिक ऑफरिंग) म्हणजेच IPO आणण्याचा विचार करत आहेत.

आवडीच्या कामाच्या शोधात भारतात परतलो
पियुष अमेरिकेतील टेक कंपनी मायक्रोसॉफ्टमध्ये काम करत होता. 2007 मध्ये काहीतरी नवीन करण्यासाठी ते भारतात परतले. त्याच्या या निर्णयाने त्याचे आई-वडील नाराज झाले, पण पियुषने त्याच्या आवडीचे काम शोधणे सुरूच ठेवले. त्यांनी सर्वप्रथम MyCampus.com हे सर्च पोर्टल सुरू केले. या वेबसाइटवर विद्यार्थ्यांना पुस्तके, कार्टून सेवा तसेच अनेकांना हाफटाईम नोकरीची माहिती दिली जात असे.

ऑनलाइन व्यवसायाचे यश पाहून त्यांनी एकत्र अनेक प्रयोग करण्याचे ठरवले आणि lenskart.com, jewelry.com, watchkart.com, bags.com सारखे ऑनलाइन प्लॅटफॉर्म सुरू केले. काही काळानंतर, या सर्व प्लॅटफॉर्मवरील ग्राहकांच्या फीडबॅकच्या आधारे, त्यांनी lenskart.com वर अधिक लक्ष केंद्रित करण्यास सुरुवात केली.

ऑनलाइन तसेच ऑफलाइन स्टोअर्स देखील उपलब्ध
आज Lenskart चे भारतातील सर्व प्रमुख शहरांमध्ये ऑफलाइन स्टोअर्स आहेत. जर तुम्ही उद्योजक असाल तर तुमच्या आयुष्यात संघर्ष असेल, पण तुम्हाला किती पुढे जायचे आहे आणि शिखरावर पोहोचणे तुमच्यासाठी किती महत्त्वाचे आहे हे तुमच्यावर अवलंबून आहे, असा विश्वास पीयूषला आहे. पियुष तरुण उद्योजकांना पहिल्या दिवसापासून स्वतःला बॉस समजू नका असा सल्ला देतो.