आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कामाची गोष्टशेळीपालनासाठी शासकीय योजना कोणती:कसा घेणार लाभ, काय हवी पात्रता, कसा करणार ऑनलाईन अर्ज, जाणून घ्या-सविस्तर

औरंगाबाद2 महिन्यांपूर्वी
  • कॉपी लिंक

पशुसंवर्धनाला चालना देण्यासाठी महाराष्ट्र शासनाच्या वतीने अनेक योजना जाहीर करून प्रत्यक्ष त्याचा लाभ देते. त्यापैकी एक असलेली योजना म्हणजे शेळीपालन योजना. ज्यांना स्वतःचा व्यवसाय करायचा आहे आणि शेळीपालन करून शेळी फार्म निर्माण करायचे. अशा लोकांना महाराष्ट्र शासनाकडून अत्यंत कमी व्याजदरात कर्ज उपलब्ध करून दिले जाते.

महाराष्ट्र शेळी पालन योजना

शेळीपालनाचा सर्वाधिक फायदा ग्रामीण भागात होतो. ग्रामीण भागातील आर्थिकदृष्ट्या कमकुवत असलेल्या लोकांची उपजीविका व्यवसाय म्हणून महाराष्ट्र सरकार यापूर्वीच अनेक पशुसंवर्धन संबंधित योजनांसाठी शेतकऱ्यांना कर्ज पुरवते तसेच सबसिडी देखील देते. ज्यांना शेळीपालनाचे ज्ञान आहे, त्यांना शेळीपालन योजना अंतर्गत प्राधान्य दिले जाते. या साठी कमीत कमी तुमच्याकडे एवढी जमीन असली पाहिजे की ज्यामध्ये तुम्ही कमाल 100 शेळ्यांसह 5 बोकड सहज ठेवू शकता.

शेळी पालन कर्ज योजनेचा उद्देश

राज्यातील पशुसंवर्धनाला चालना देणे हा या योजनेचा मुख्य उद्देश आहे. राज्यात शेळीपालनाला चालना देण्यासाठी त्याचबरोबर दूध आणि मांस उत्पादनात वाढ करणे हा देखील योजनेचा मुख्य उद्देश मानला जातो. बेरोजगार आणि शेळीपालनाची आवड असलेली कोणतीही व्यक्ती या योजनेअंतर्गत शेळी फार्म उघडून जास्तीत जास्त पैसे कमाई करू शकते. राज्यात असे अनेक शेतकरी बांधव असतील ज्यांच्याकडे कोणताही रोजगार नाही किंवा नोकरी नाही. असे लोक महाराष्ट्र शेळीपालन योजनेअंतर्गत अर्ज करून रोजगार मिळवू शकतात. महाराष्ट्रातील रहिवासी पंचायत समितीच्या माध्यमातून शेतकरी योजनेंतर्गत शेतीसाठी शेड अनुदानासाठी कर्ज घेऊ शकता. सरकारने आता ऑनलाइन अर्ज प्रक्रिया देखील अतिशय सोपी केली आहे.

काय आहेत अटी त्यासाठी कोणते नियम

  • ज्या शेतकऱ्यांना शेळीपालन सुरू करायचे आहे, त्यांच्याकडे शेळ्या पाळण्यासाठी चांगली जमीन असणे आवश्यक आहे. ज्यामध्ये ते 100 शेळ्यांसोबत 5 बोकड ठेवू शकतात.
  • शेळ्यांची निगा व त्यांच्या चाऱ्याची योग्य व्यवस्था असावी. शेतकऱ्याकडे चारा पिकवण्यासाठी जमिनीची व्यवस्था असावी.
  • 100 शेळ्या आणि पाच बोकड ठेवण्यासाठी अर्जदाराकडे 9,000 चौरस मीटर जमीन असणे आवश्यक आहे.
  • अर्जदाराने अर्ज करताना भाडे पावती / LPC / भाडेपट्टा करार / 9,000 चौरस मीटरचा दृश्य नकाशा सादर करणे बंधनकारक आहे.
  • शेळी पालन कर्ज योजनेंतर्गत शेळीपालन व्यवसाय सुरू करताना, तुम्हाला स्वतःहून दोन लाख रुपये गुंतवावे लागतील.
  • लाभार्थी शेतकऱ्याने एक लाख रुपयांचे कर्ज घेतल्यास त्याला एक लाख रुपयांचा धनादेश किंवा पासबुक किंवा एफडी किंवा इतर कोणत्याही प्रकारचे दस्तऐवज देणे आवश्यक आहे.
  • अर्जदाराचा शेळीपालन प्रकल्प असावा, ज्यामध्ये शेळीची किंमत, घर इत्यादींची माहिती असावी.

पात्रता कोणती अशी असावी, ज्यामुळे लाभ मिळेल

  • योजनेचा लाभ फक्त महाराष्ट्र राज्यातील शेतकऱ्यालाच घेता येईल.
  • या योजनेंतर्गत महाराष्ट्र सरकार अल्प व अत्यल्प भूधारक शेतकऱ्यांना कर्ज देणार आहे.
  • या योजनेंतर्गत पारंपरिक शेळीपालन करणाऱ्या शेतकऱ्याला प्राधान्य दिले जाते.
  • लाभार्थ्याला शेळीपालनाचा अनुभव असला पाहिजे, तरच तो महाराष्ट्र शेळी पालन योजन लाभ घेऊ शकेल.
  • ज्या शेतकर्‍यांची स्वतःची जमीन आहे त्यांचा या योजनेत समावेश होतो.
  • अनुसूचित जाती व जमातीच्या लाभार्थ्यांना जात प्रमाणपत्र देणे बंधनकारक आहे.
  • शेळी फार्म उघडताना, लाभार्थ्याला 2 लाख रुपये खर्चून स्वतः लावावे लागेल.

या कागदपत्रांची आवश्यकता लागते

  • मतदार ओळखपत्र
  • जमीन दस्तऐवज
  • पत्त्याचा पुरावा
  • वार्षिक उत्पन्न प्रमाणपत्र
  • आधार कार्ड
  • बँक खाते पासबुक
  • अनुसूचित जाती आणि अनुसूचित जमातींसाठी जात प्रमाणपत्र
  • पासपोर्ट आकाराचा फोटो
  • निवास प्रमाणपत्र

ऑनलाईन अर्ज करण्याची पद्धत घ्या समजून

  • सर्वप्रथम पुण्यश्लोक अहिल्यादेवी महाराष्ट्र मेंढी व शेळी विकास महामंडळाच्या अधिकृत वेबसाइट http://mahamesh.co.in/ वर जावे लागेल.
  • आता वेबसाइटचे होम पेज उघडेल.
  • येथे तुम्हाला महामेश योजनेचा पर्याय दिसेल, तुम्हाला या पर्यायावर क्लिक करावे लागेल.
  • वेबसाइटचे एक नवीन पृष्ठ उघडेल, येथे तुम्हाला अर्जदार लॉगिनचा पर्याय दिसेल.
  • हा ऑप्शन ओपन होताच तुम्हाला तुमचा आधार क्रमांक टाकून कॅप्चा कोड टाकावा लागेल.
  • त्यानंतर लॉगिन पर्यायावर क्लिक करा. त्यानंतर वेबसाइटचे एक नवीन पेज उघडेल.
  • अर्जदारांनी अर्जात दर्शविलेल्या मुद्यांच्या संदर्भात काळजीपूर्वक माहिती भरावी.
  • प्रत्येक तपशील भरल्यानंतर, सेव्ह बटण दाबा जे प्रविष्ट केलेली माहिती सेव्ह करेल.
  • त्यानंतर याच अर्जामध्ये योजनेचा उपघटक निवडावा.
  • अर्ज सादर केल्यानंतर अर्जदाराचा अर्ज "अ‍ॅप्लिकेशन फॉर्म यशस्वीरित्या सबमिट केला" संदेश प्राप्त झाल्यानंतरच निवडीसाठी सबमिट केला जातो.
  • त्यानंतर, तुम्ही “पावती पहा” बटणावर क्लिक केल्यास, अर्जदाराला अर्जाची पावती दिसेल.

ऑफलाइन अर्ज कसा करायचा

  • जर तुम्हाला अर्ज करून या योजनेचा लाभ घ्यायचा असेल तर तुम्हाला सर्वप्रथम त्या बँकेकडे जावे लागेल जी तुम्हाला शेळीपालन योजनेच्या आधारे कर्ज देत आहे.
  • बँकेत गेल्यानंतर, या योजनेंतर्गत कर्ज घेण्यासाठी तुम्हाला कोणत्याही बँक कर्मचार्‍यांकडून अर्ज घ्यावा लागेल.
  • तुम्हाला त्या अर्जामध्ये विचारलेली सर्व माहिती योग्यरित्या प्रविष्ट करावी लागेल आणि त्याच अर्जासोबत तुमची सर्व कागदपत्रे जोडावी लागतील. फॉर्म त्याच बँकेत जमा करावा लागेल.
  • या योजनेचा लाभ घेण्यासाठी तुम्ही तुमच्या जवळच्या कोणत्याही पशुसंवर्धन विभागाशी संपर्क साधू शकता आणि तुम्हाला पशुसंवर्धन विभागात जाऊन अर्ज द्यावा लागेल.
  • शेळी पालन कर्ज योजना महाराष्ट्रासाठी तुम्ही ग्रामपंचायत समितीशी देखील संपर्क साधू शकता.

स्त्रोत :

1) पशुसंवर्धन विभाग, महाराष्ट्र शासन (Department Of Animanl Husbandary, Goverment of Maharashtra)

2) विविध योजनांच्या सविस्तर माहितीसाठी शासनाच्या अधिकृत संकेतस्थळ https://ah.mahabms.com/ भेट देऊ शकता.

बातम्या आणखी आहेत...