आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

एअरटेल ऑगस्टमध्येच 5G सेवा लॉंच करणार:एरिक्सन, नोकिया, सॅमसंगसोबत करार; जिओ 15 ऑगस्टला सेवा सुरू करण्याची शक्यता

नवी दिल्ली15 दिवसांपूर्वी
  • कॉपी लिंक

ऑगस्ट महिन्याला सुरूवात झालेली असून याच महिन्यात स्वातंत्र्यदिनापर्यंत अर्थात 15 ऑगस्टपर्यंत देशभरात 5G सेवा सुरू होणार आहे. एअरटेल टेलिकॉम कंपनी ही 5G सेवा सुरू करणारी देशातील दुसरी कंपनी ठरणार आहे. यासाठी कंपनीने एरिक्सन, नोकीया आणि सॅमसंगसोबत करार केलेले आहेत. दुसरीकडे जिओने देखील 15 ऑगस्टला देशभरात 5G नेटवर्क सेवा सुरू करण्याचे संकेत दिले आहेत.

अर्थातच 5G सेवा कार्यान्वित झाल्यानंतर इंटरनेटचा वेग वाढणार आहे. एअरटेलचे व्यवस्थापकीय संचालक आणि मुख्य कार्यकारी अधिकारी गोपाल विट्टल यांनी सांगीतले की, देशातील ग्राहकांना 5G कनेक्टिव्हिटीचा पूर्ण लाभ देण्यासाठी कंपनी जगभरातील सर्वोत्तम तंत्रज्ञान भागीदारांसमवेत काम करणार आहे.

4G पेक्षा 5G दहा ते पंधरा टक्के महाग असेल

दूरसंचार मंत्री अश्विनी वैष्णव यांनी काही दिवसांपूर्वीच सांगितले की, 5G सेवांचे दर कंपनी ठरवतील. त्यामुळे 5G सेवांचे दर 4G च्या बरोबरीने आणण्यासाठी 5G सेवा सुरुवातीला 10 ते 15 टक्क्याच्या प्रीमियमवर ऑफर केल्या जातील, अशी उद्योगतज्ज्ञांची अपेक्षा आहे.

5G सुरू झाल्यानंतर काम अधिक सोपे होईल
भारतात 5G इंटरनेट सेवा सुरू झाल्याने बरेच काही बदलणार आहे. यामुळे लोकांचे काम तर सोपे होईलच. पण मनोरंजन आणि दळणवळण क्षेत्रातही खूप बदल होतील. एरिक्सन 5G साठी काम करणार्‍या कंपन्यांना विश्वास आहे की, 5 वर्षांत भारतात 500 दशलक्ष 5G इंटरनेट वापरकर्ते असतील.
5G सुरू करताच काय होतील फायदे ?

  • सर्वात पहिला फायदा म्हणजे वापरकर्ते जलद गतीचे इंटरनेटचा वापर करतील.
  • व्हिडिओ गेमिंगच्या क्षेत्रात 5G च्या आगमनामुळे मोठा बदल होणार आहे.
  • व्हिडिओ बफरिंग किंवा न थांबता प्रवाहीत करण्यात सक्षम असतील.
  • इंटरनेट कॉलमध्ये आवाजात स्पष्टता येईल.
  • 2 GB चा चित्रपट 10 ते 20 सेकंदात डाऊनलोड होणार.
  • कृषी क्षेत्रात शेतांच्या देखरेखीखाली ड्रोनचा वापर शक्य होणार आहे.
  • त्यामुळे मेट्रो आणि चालकविरहित वाहने चालवणे सोपे होणार आहे.
  • व्हर्च्युअल रिअ‌ॅलिटी आणि कारखान्यांमध्ये रोबोट्स वापरणे सोपे होईल.
  • आता 1,336 देशांमध्ये 5G नेटवर्क

जगभरातील 1,336 देशात 5G नेटवर्क

Speedtest Intelligence यांच्यानुसार, दक्षिण कोरीया 2021 च्या तीन तिमाहीत जगातील सर्वात वेगवान 5G सेवा वापरत आहे. त्याचा वेग 462.48 Mbps आहे. 426.75 Mbps स्पीडसह नॉर्वे दुसर्या क्रमांकावर आहे. युनाइटेड अरब अमीरात 409.96 Mbps स्पीडसह तृतीय स्थानावर आहे.

बातम्या आणखी आहेत...