आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • New Batteries Will Be 6 Times More Powerful In 2025 I EV Car 1 Thousand Km On 15 Minute Charge I It Will Run

2025 पर्यंत नवीन बॅटरी 6 पट शक्तिशाली होणार:15 मिनिटांच्या चार्जवर 1 हजार किमी. ईव्ही कार धावणार, मोबाईल साईजमध्ये बॅटरी

नवी दिल्ली3 महिन्यांपूर्वी
  • कॉपी लिंक

बॅटरी कारची पहिली चाचणी 5 सप्टेंबर 1996 साली होती. आज सव्वीस वर्षानंतरही अमेरिकेसारख्या प्रगत देशात फक्त 2 टक्के कार बॅटरीवर चालतात. त्याचे मुख्य कारण म्हणजे सद्याची बॅटरीही महागडी आहे. त्यातुलनेत कामगिरी देखील कमी आहे. परंतु, बॅटरीमध्ये द्रवपदार्थाऐवजी घन पदार्थाचे इलेक्ट्रोलाइट वापरल्यास सर्व समस्या दूर होणार आहे. कमी असेल. एक सामान्य कार देखील केवळ 15 मिनिटांच्या चार्जिंगवर 1 हजार किमी धावेल. स्टॅनफोर्ड विद्यापीठातील प्रीकोर्ट इन्स्टिट्यूट ऑफ एनर्जीचे संचालक प्रा. रितेश शुक्लाशी याबाबत केलेली खास बातचीत.

सद्याच्या जड बॅटरीपेक्षा 6 पट अधिक शक्तिशाली असेल

नवीन बॅटरीला एवढा उशीर का लागत आहे, असा प्रश्न उपस्थित केला जात आहे. याचे मुख्य कारण डेंड्राइट आहे. घन पदार्थाच्या क्रॅकिंगला डेंड्राइट म्हणतात. मात्र, आता ही समस्या लवकरच संपणार आहे. या महिन्याच्या 2 तारखेला, कतारच्या सरकारी मालकीच्या कंपनीने अमेरिकन कंपनी क्वांटमस्केपमध्ये तीन हजार कोटींची गुंतवणूक केली. जी घन बॅटरी बनवत आहे. या कंपनीचे सीईओ भारतीय वंशाचे जगदीप सिंग आहेत. QuantumScape ची बॅटरी 17 टक्के स्वस्त आहे. विशेष बाब म्हणजे बॅटरी (पत्त्याच्या कार्डाच्या गठ्ठी एवढी) कार्डांच्या पॅकएवढी लहान आहे. तसेच सध्याच्या जड बॅटरीपेक्षा ही 6 पट अधिक शक्तिशाली आहे.

या कंपनीतील सर्वात मोठा म्हणजे 20 टक्के हिस्सा पोर्शकडे आहे. जो फोक्सवॅगन कंपनीच्या 50.7 टक्के भागावर नियंत्रण ठेवतो. ही कंपनी Audi, Skoda, Bentley, Bugatti, Lamborghini, Ducati आणि Porsche सारख्या कार बनवते. या कंपनीच्या खासगी गुंतवणूकदारांपैकी बिल गेट्सचाही समावेश असल्याची चर्चा वॉल स्ट्रीटमध्ये झाली आहे.

15 मिनिटात 80 टक्क्यापर्यंत चार्जिंग होईल
जानेवारी 2022 मध्ये, कंपनीने एक चाचणी अहवाल प्रकाशित केला, ज्यानुसार सॉलिड बॅटरी केवळ 15 मिनिटांच्या चार्जिंगमध्ये 80% पर्यंत चार्ज होते. या 80 टक्के चार्जिंगमध्ये 1 हजार किमी कव्हर केले जाऊ शकते. या बॅटरीची चाचणी 3 टप्प्यात पूर्ण झाली आहे. कंपनीचा दावा आहे की, 2025 पर्यंत ईव्ही कार आजच्या स्मार्टफोन्ससारखी घरोघरी असणार आहे.

बातम्या आणखी आहेत...