देशात ऑनलाइन गेमिंगची क्रेझ:ऑनलाइन गेमिंगच्या महसुलात 22% झाली वाढ ; 2024 पर्यंत या नव्या विश्वात 25 हजार कोटींपर्यंतची होणार वेगात उलाढाल

काेराेनाच्या धाेक्यामुळे देशामध्ये सध्या ऑनलाइन गेमिंगला पहिली पसंती दिली जात आहे. यातूनच या विश्वानेही आता झपाट्याने प्रगती साधली. ऑल इंडिया गेमिंग फेडरेशनने दिलेल्या माहितीनुसार आता देशात जवळपास ३० काेटी ऑनलाइन गेमर आहेत. आता आगामी दाेन वर्षांमध्ये याच जवळपास १४ काेटींची नव्याने भर पडणार आहे. त्यामुळे हा आकडा ४४ काेटीपर्यंत जाईल. ऑनलाइन गेमिंगच्या माध्यमातून महसुलामध्ये २२% वेगाने वाढ झाली. आता मिळत असलेल्या तुफान लाेकप्रियतेमुळे येत्या दाेन वर्षात हा महसूल जवळपास २५ हजार काेटींच्या घरात जाण्याचा विश्वास तज्ज्ञ व्यक्त करतात. त्यामुळे नव्याने या गेमिंगचे स्वरूप देशभरात वेगाने विस्तारले जात आहे.

जगातील सर्वाधिक भागीदारी आशिया-पॅसिफिकची

जगातील गेमिंग मार्केटने २०१९ मध्ये ११.२५ लाख काेटींचा महसूल मिळवला हाेता. यामध्ये आशिया व पॅसिफिकमधून सर्वाधिक ५.३४ लाख काेटींची कमाई केली.