आपल्या शहरातील ताज्या बातम्या आणि ई-पेपर मिळवा मोफत

Marathi News
Business
PPF VS RD Interest Rate Comparison Expalined; Investment Plans | All You Need To Know

गुंतवणूकीचा मंत्र:PPF v/s RD काय फरक; याद्वारे तुम्ही मोठा फंड देखील मिळवू शकता, 2 स्किमपैकी कोणते फायद्याचे, वाचा सविस्तर

नवी दिल्ली2 महिन्यांपूर्वी

कॉपी लिंक

आजकाल तुम्ही पैसे गुंतवण्याची विविध योजना शोधत असता. जिथे तुमचे पैसे सुरक्षित असतील आणि तुम्हाला चांगले व्याज मिळेल, तर तुम्ही सार्वजनिक भविष्य निर्वाह निधी (PPF) आणि आवर्ती ठेव (RD) योजनांमध्ये गुंतवणूक करू शकता. दर महिन्याला या योजनांमध्ये गुंतवणूक करून, तुम्ही सहजपणे एक मोठा निधी तयार करू शकता. आम्ही तुम्हाला या योजनांबद्दल सांगत आहोत, जेणेकरून तुम्ही तुमच्या गरजेनुसार त्यामध्ये गुंतवणूक करू शकता...

PPF मिळते 7.1 % व्याज

ही योजना बँक किंवा पोस्ट ऑफिसमध्ये कुठेही उघडता येते.
PPF खाते फक्त 500 रुपयांमध्ये उघडता येते. या खात्यात दरवर्षी जास्तीत जास्त 1.5 लाख रुपये जमा करता येतात.
ही योजना 15 वर्षांसाठी आहे, ज्यामधून ती काढता येणार नाही. परंतु 15 वर्षांनंतर 5-5 वर्षे वाढवता येऊ शकते.
हे 15 वर्षापूर्वी बंद करता येत नाही, परंतु 3 वर्षानंतर या खात्यावर कर्ज घेता येते. जर कोणाला हवे असेल तर तो नियमांनुसार 7 व्या वर्षापासून या खात्यातून पैसे काढू शकतो.
सरकार दर तीन महिन्यांनी व्याजदराचा आढावा घेते. हे व्याजदर कमी किंवा जास्त असू शकतात. सध्या या खात्यावर 7.1% व्याज मिळत आहे.
या योजनेत गुंतवणूक केल्यावर आयकर कायद्याच्या कलम 80C अंतर्गत कर सूट मिळू शकते. अधिक माहितीसाठी येथे क्लिक करा

तुम्ही 15 वर्षांसाठी गुंतवणूक केली, परतावा किती मिळेल?

या योजनेअंतर्गत, जर तुम्ही 15 वर्षांसाठी दरमहा 1 हजार रुपये गुंतवले तर 15 वर्षांनंतर तुम्हाला सुमारे 3.20 लाख रुपये मिळतील. म्हणजेच तुम्हाला 1.40 लाख रुपयांपेक्षा जास्त व्याज मिळेल.

आरडीला मिळते 6.2 % व्याज

पोस्ट ऑफिस RD वर सध्या 6.2 % वार्षिक व्याज मिळत आहे. आरडी ही एक प्रकारची छोटी बचत योजना आहे. पोस्ट ऑफिस व्यतिरिक्त कोणतीही व्यक्ती बँकांमध्येही आपले खाते उघडू शकते.
तुम्ही आरडी स्कीममध्ये दरमहा किमान 100 रुपये गुंतवू शकता. यापलीकडे, तुम्ही 10 च्या पटीत कोणतीही रक्कम जमा करू शकता. कमाल ठेव रकमेवर मर्यादा नाही.
एक किंवा अधिक आरडी खाती देखील उघडता येतात. हे खाते अल्पवयीन मुलांच्या नावानेही उघडता येते. तुमचे वय 10 वर्षे किंवा त्याहून अधिक असेल तेव्हा तुम्ही ते स्वतः ऑपरेट करू शकता. 3 लोक मिळून संयुक्त खाते देखील उघडू शकतात.
आरडी तुम्हाला मोठी बचत करण्यात मदत करू शकते. पगार मिळाल्यावर प्रत्येक महिन्यात एक ठराविक रक्कम टाकत राहा आणि 5 वर्षांनंतर तुमच्या हातात खूप मोठी रक्कम येईल. अधिक माहितीसाठी येथे क्लिक करा.

15 वर्षे दरमहा 1000 गुंतवले, तुम्हाला किती मिळेल परतावा?
या योजनेअंतर्गत, जर तुम्ही 15 वर्षांसाठी दरमहा 1 हजार रुपये गुंतवले तर तुम्हाला सुमारे 2.93 लाख रुपये मिळतील. म्हणजेच तुम्हाला 1.13 लाख रुपयांपेक्षा जास्त व्याज मिळेल.

गुंतवणूक कुठे करायची?
जर तुम्ही तुमचे पैसे 15 वर्षांसाठी गुंतवू शकत असाल तर पीपीएफ योजना ठीक राहील. त्यावर 7.1% व्याज मिळत आहे. त्याचवेळी, RD वर 6.2% व्याज दिले जात आहे. पण यात 5 वर्षांचा लॉक इन कालावधी देखील आहे. जो PPF पेक्षा खूपच कमी आहे. तुमच्या आर्थिक स्थितीनुसार तुम्ही तुमच्यासाठी योग्य स्किम निवडू शकता.

हे ही वाचा

पीपीएफ अकाऊंट कसे उघडतात:तुम्हाला कसा होतो फायदा, किती मिळतो परतावा; काय आहेत नियम- वाचा सविस्तर

आर्थिकदृष्ट्या सक्षम होताना आणि गुंतवणूकीचा दीर्घकालीन उत्तम म्हणून सार्वजनिक भविष्य निर्वाह निधी (पीपीएफ) योजनेकडे पाहीले जाते. जी आकर्षण व्याजदर आणि गुंतविलेल्या रकमेवर चांगलावा परतावा देते. परंतू तुम्हाला माहिती आहे का, पीपीएफ अकाऊंट नेमकं कोणाला उघडता येते. त्यासाठी किती खर्च लागतो. वर्षभर किती गुंतवणूक करावी लागते. त्यासाठी काय नियम असतात. या सर्व प्रश्नांची उत्तरे आपण आज जाणून घेणार आहोत. - येथे वाचा संपूर्ण बातमी

FD आणि RD मध्ये काय असतो फरक:गुंतवणूक कशी कराल, किती मिळेल परतावा, आदी प्रश्नांची उत्तरे घ्या जाणून

गुंतवणूकीचा तसेच पैशांची बचत करण्याचा विषय जेव्हा आपल्या मनात येतो. तेव्हा आपल्या प्रत्येकाच्या डोळ्यासमोर FD आणि RD हे दोन पर्याय उभे राहतात. पण गुंतवणूक करायची झाल्यास या दोन प्रकारापैकी कशात गुंतवणूक करायची, असा प्रश्न उपस्थित होतो. यापैकी सर्वोत्तम पर्याय कोणता, हे त्वरीत समजत नाही. - येथे वाचा संपूर्ण बातमी

अ‍ॅप उघडा

ऑस्ट्रेलिया469-10 (121.3)

भारत151-5 (38.0)

दिवसाचा खेळ समाप्त

कॉपी लिंक

Our Divisions

This website follows the DNPA Code of Ethics.

फीडबॅक द्या