जिओचे 3 सर्वात स्वस्त प्लॅन:160 रुपयांपेक्षा कमी किमतीत चालेल 1 महिना मोबाइल; मिळेल फ्री कॉलिंग व डेटासह अनेक सुविधा

जिओ आपल्या यूजर्सला अशा अनेक योजना ऑफर करते, ज्यामध्ये तुमचा मोबाइल महिनाभर 160 रुपयांपेक्षा कमी दरात चालणार आहे. इतकेच नाही तर या प्लॅनमध्ये तुम्हाला अमर्यादित कॉलिंग, डेटा आणि एसएमएस सोबतच इतर अनेक फायदे मिळतील. अशाच तीन योजनांबद्दल आम्ही माहिती देणार आहोत.

155 रुपयांचा प्लॅन
हा प्लॅन 28 दिवसांच्या वैधतेसह येतो. यामध्ये, अमर्यादित कॉलिंगसह एकूण 2 GB डेटा उपलब्ध आहे. 2 GB हायस्पीड डेटा मर्यादा संपल्यानंतर, इंटरनेटचा वेग कमी होऊन 64 Kbps होईल. यामध्ये मेसेजिंगसाठी 300 एसएमएस उपलब्ध असतील. यामध्ये तुम्हाला जिओ टीव्ही, जिओ सिनेमा, जिओ सिक्युरिटी आणि जिओ क्लाउड सारख्या इतर जिओ अॅप्सचे सबस्क्रिप्शन देखील मिळते.

395 रुपयांचा प्लॅन
जिओच्या 395 रुपयांच्या या रिचार्ज प्लॅनमध्ये तुम्हाला एकूण 84 दिवसांची वैधता मिळत आहे. या प्लॅनमध्ये अमर्यादित कॉलिंगसह एकूण 6 जीबी डेटा उपलब्ध आहे. हाय स्पीड डेटा लिमिट संपल्यानंतर इंटरनेट स्पीड 64 Kbps पर्यंत कमी होईल. या प्लॅनमध्ये मेसेजिंगसाठी 1000 एसएमएसची सुविधाही उपलब्ध आहे. यामध्ये तुम्हाला जिओ टीव्ही, जिओ सिनेमा, जिओ सिक्युरिटी आणि जिओ क्लाउड सारख्या इतर जिओ अॅप्सचे सबस्क्रिप्शन देखील मिळते.

1559 रुपयांचा प्लॅन
जिओच्या या प्लॅनमध्ये 336 दिवसांची वैधता उपलब्ध आहे. यामध्ये तुम्हाला अनलिमिटेड कॉलिंगसह 24 जीबी डेटा मिळेल. हाय स्पीड डेटा लिमिट संपल्यानंतर इंटरनेट स्पीड 64 Kbps पर्यंत कमी होईल. यात 3600 एसएमएसची सुविधाही आहे. यामध्ये तुम्हाला जिओ टीव्ही, जिओ सिनेमा, जिओ सिक्युरिटी आणि जिओ क्लाउड सारख्या इतर जिओ अॅप्सचे सबस्क्रिप्शन देखील मिळते.

हे ही वाचा

रिलायन्सचा जिओ फायबर बॅकअप प्लॅन लॉंच : फक्त 198 रुपयात ब्रॉडबॅंडसह घ्या IPL चा आनंद; महिनाभर चालेल अनलिमिटेड इंटरनेट

आयपीएल 2023 अवघ्या दोन दिवसांवर येवून ठेपले आहे. म्हणजेच 31 मार्चपासून आयपीएलला सुरूवात होणार आहे. अशा परिस्थितीत टेलिकॉम कंपनी रिलायन्स जिओने आपल्या फायबर ब्रॉडबँड ग्राहकांसाठी एक नवीन आणि स्वस्त प्लॅन आणला आहे. कंपनीने या प्लॅनमध्ये फायबर ब्रॉडबँड इंटरनेट कनेक्शन फक्त 198 रुपये प्रति महिना खर्च देण्याची घोषणा केली आहे. - येथे वाचा संपूर्ण बातमी