आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • Reliance To Buy Indore's Akash Namkeen I Bought Stake In Campa And Insight Cosmetics I Latest News And Update

रिलायन्स खरेदी करणार इंदूरचे आकाश नमकीन:करारावर चर्चा; नुकतीच इनसाइट कॉस्मेटिक्समधील भागीदारी घेतली होती

नवी दिल्लीएका महिन्यापूर्वी
  • कॉपी लिंक

सॉफ्ट ड्रिंक ब्रँड कॅम्पा कोलाच्या अधिग्रहणानंतर रिलायन्स कंपनी आता इंदूर येथील आकाश नमकीन प्रायव्हेट लिमिटेड आपल्या पोर्टफोलिओमध्ये विकत घेण्याच्या तयारीत आहे. काही मीडियाकडून हा दावा करण्यात आला आहे.

आकाश नमकीन ही कंपनी रतलानी शेव, चिवडा, भेळ असे फराळाचे पदार्थ बनविते. त्याच्या उत्पादनाच्या पोर्टफोलिओमध्ये बेसनाचे लाडू, गुलाब जामुन आणि सोनपापडी या पारंपरिक मिठाईचा समावेश आहे. चला तर आज आपण रिलायन्स ज्या कंपनीला खरेदी करणार आहे, त्या आकाश नमकीन बद्ल जाणून घेऊया...

1936 मध्ये आकाश नमकीनची सुरुवात
आकाश नमकीनची सुरुवात 1936 मध्ये मध्य प्रदेशची व्यावसायिक राजधानी इंदूर येथून झाली. आंतरराष्ट्रीय दर्जाची उत्पादने तयार करण्यासाठी कंपनीचा इंदूरमध्ये उत्पादन कारखाना आहे. कंपनीचे 7 को-पॅकिंग युनिट्स देखील आहेत. पूर्व भारतात 4, उत्तर भारतात 2 आणि पश्चिम भारतात 1 युनिट. त्याची उत्पादने अमेरिका, युरोप, मध्य पूर्व, आफ्रिका, ऑस्ट्रेलिया, न्यूझीलंड आणि श्रीलंका येथे निर्यात केली जातात.

आकाशची उत्पादने पोर्टफोलिओ

नमकीनमध्ये रतलामी शेव, मूग डाळ, बुंदी, मिश्रण, शेंगदाणे, काजू मसाला, सॅलेटेड काजू, उपवासी चिवडा, सोयास्टीक, भावनगरी गंठिया आणि भुजिया यांचा समावेश आहे. आहार श्रेणीमध्ये मखना, बॉम्बे फटाफट भेळ, हलका चिवडा आणि हलके मिश्रण समाविष्ट आहे. मिठाईमध्ये बेसनाचे लाडू, सोहन पापडी, रसगुल्ला आणि गुलाब जामुन यांचा समावेश होतो. ET च्या अहवालानुसार, कंपनी दररोज 100,000 पेक्षा जास्त पॅकेटमध्ये 40 टनांहून अधिक नमकीन भरते.

रिलायन्स झपाट्याने वाढणारा प्रोडक्ट पोर्टफोलिओ
गेल्या महिन्यात झालेल्या 45 व्या वार्षिक सर्वसाधारण सभेत रिलायन्स रिटेलने ते FMCG बाजारात प्रवेश करणार असल्याचे सांगितले होते. या अंतर्गत, ते आपल्या उत्पादन पोर्टफोलिओचा वेगाने विस्तार करत आहे. आकाश नमकीन व्यतिरिक्त रिलायन्सने त्याच्या कार्बोनेटेड शीतपेय ब्रँड बिग कोलाची निर्माता AGE इंडियाशी चर्चा करत आहे. दोघांनी संयुक्त उपक्रम करारावर स्वाक्षरी करणे अपेक्षित आहे.

इनसाइट कॉस्मेटिक्समधील कंट्रोल स्टेक घेतला विकत
रिलायन्स रिटेल व्हेंचर्स लिमिटेडने नुकताच मेकअप आणि पर्सनल केअर ब्रँड इनसाइट कॉस्मेटिक्समध्ये कंट्रोलिंग स्टेक विकत घेतला. सूरत येथील हजुरी बेव्हरेजेससह सोस्यो ब्रँड खरेदी करण्याचीही चर्चा सुरू आहे. रिलायन्स स्नॅक टॅक ब्रँड अंतर्गत इन्स्टंट नूडल्स आणि सूप, बिस्किटे, नमकीन, मिठाई, पास्ता, शेवया, केचप आणि जाम विकत घेणार आहे. पीठ, खाद्यतेल, तांदूळ, डाळी, सुका मेवा, मसाले, मीठ, साखर गुड लाईफ ब्रँड अंतर्गत उपलब्ध आहे. ऑलिव्ह ऑइल सीझ ब्रँड अंतर्गत विकले जाते.

बातम्या आणखी आहेत...