दैनंदिन वापराच्या वस्तूंचा खप वाढला:शहरांच्या तुलनेत गावांमध्ये किरकोळ विक्री दुप्पट

शहरांपेक्षा खेड्यांमध्ये खप झपाट्याने वाढत आहे. जानेवारी-मार्च तिमाहीत ग्रामीण भागात साबण, पेस्ट यांसारख्या दैनंदिन वापराच्या ग्राहकोपयोगी वस्तूंची (एफएमसीजी) विक्री १६.८% वाढली. त्या तुलनेत, शहरी भागात त्यांची विक्री केवळ ७.९% वाढली. संपूर्ण आर्थिक वर्षातही शहरांच्या तुलनेत ग्रामीण भागात एफएमसीजी विक्रीत वाढ झाली. २०२२-२३ मध्ये, ग्रामीण भागात एफएमसीजी विक्री ८.९% वाढली, तर शहरी भागात ही वाढ ५.५% होती. रिटेल इंटेलिजन्स फर्म बिजोमच्या अहवालानुसार, उन्हाळी हंगाम सुरू होण्याआधीच गावातील छोट्या किराणा दुकानांमध्ये मोठ्या प्रमाणात साठा जमा झाला होता. त्यामुळे ग्रामीण भागात विक्रीत तेजी आली. २०२३ च्या पहिल्या तीन महिन्यांत एफएमसीजी विक्री झपाट्याने वाढली. रिटेल इंटेलिजन्स फर्म बिझोमच्या अहवालानुसार, मार्च तिमाहीत एफएमसीजी क्षेत्राने १४% वाढ दर्शविली आहे. आर्थिक वर्ष २०२२-२३ च्या संपूर्ण कालावधीत ही वाढ ७.८% होती. त्याचा परिणाम शेतकऱ्यांच्या उत्पन्नावर झाला : पार्ले प्रॉडक्ट्सचे वरिष्ठ श्रेणी प्रमुख मयंक शाह म्हणाले की, ग्रामीण भागातील मागणी ४-५ महिन्यांत पुनरुज्जीवित होत आहे. त्यामागील मुख्य कारण म्हणजे शेतकऱ्यांना रब्बी पिकांना चांगला भाव मिळाला असून त्यांचे उत्पन्न वाढले. अक्षय डिसूझा, ग्रोथ अँड इनसाइट्स, बिजोमचे प्रमुख यांच्या मते, २०२२ मधील तीव्र उष्णता लक्षात घेता ग्रामीण भागातील दुकानदारांनी आधीच थंड पेयांचा साठा केला आहे. याशिवाय प्रमुख एफएमसीजी कंपन्यांनीही त्यांचे थेट वितरण वाढवले आहे.

होम केअर, पॅकेज्ड फूड, कन्फेक्शनरीची जास्त विक्री एफएमसीजी क्षेत्रातील श्रेणीच्या आधारे विक्री वाढीबद्दल बोलायचे तर, आर्थिक वर्ष २०२२ च्या तुलनेत २०२३ मध्ये सर्वाधिक वाढ शीतपेयांच्या विक्रीत झाली. तर मार्च तिमाहीत, होम केअर (२४.३%), पॅकेज्ड फूड (१६.९%) आणि कन्फेक्शनरी वस्तू (१२.१%) च्या विक्रीत सर्वाधिक वाढ दिसली.

जानेवारी-मार्चमध्ये एफएमसीजी विक्री वाढ कालावधी शहरी ग्रामीण एकूण आर्थिक वर्ष-23 +5.5% 8.9% +7.8% जाने-मार्च तिमाही +7.9% +16.8% +14.1% गेल्या आर्थिक वर्षात शीतपेयांच्या विक्रीत सर्वाधिक वाढ झाली

श्रेणी मार्च तिमाही 22-23 बेव्हरेजेस (पेय) 3.4% 23.7% कमोडिटी 13.6% 8.0% पॅकेज्ड फूड 16.9% 1.9% होम केअर 24.3% 3.9% पर्सनल केअर -0.4% 0.1% कन्फेक्शनरी 12.1% 3.5%