आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • Rules To Change From 1st August; ATM Cash Withdrawal Charges And Transactions Limit

1 ऑगस्टपासून बदलणार नियम:आता सुटीच्या दिवशीही कापल्या जाणार EMI, तर ATM धून पैसे काढण्यासह काय-काय होणार महाग? येथे जाणून घ्या

3 महिन्यांपूर्वी
  • कॉपी लिंक

येणारा महिना सामान्य माणसाच्या खिशावर आणखी भार टाकणार असल्याचे स्पष्ट होत आहे. 1 ऑगस्ट पासून बँकिंग आणि अर्थविषयक नियमांमध्ये काही महत्वाचे बदल होणार आहेत. यात एकूणच 5 महत्वाचे बदल होत आहेत. त्यामध्ये ईएमआय, एटीएम आणि घरगुती गॅसच्या किमतीसह रोख रकमेच्या व्यवहारात सुद्धा काही बदल होत आहेत.

सुटीच्या दिवशीही पगार, पेन्शन होणार, EMI कापणार
बँकिंग व्यवहार रविवारी आणि इतर सुटीच्या दिवशी सुद्धा होणार आहेत. भारतीय रिझर्व्ह बँकेने नॅशनल ऑटोमेटेड क्लिअरिंग हाउस (NACH) सिस्टिम आठवड्यातील 7 दिवस सुरू ठेवण्याचा निर्णय घेतला आहे. अर्थातच या बदलामुळे पगार आणि पेन्शन रविवार, बँक हॉलिडे आणि इतर सुटीच्या दिवसांमध्ये सुद्धा जमा केले जाणार आहेत. यासोबतच सुटीच्या दिवशी सुद्धा आता EMI पेमेंट कापल्या जाणार आहे.

ICICI बँकेच्या ग्राहकांना अतिरिक्त चार्ज
ICICI बँकेतून पैसे काढणे, जमा करणे आणि चेक बुकसह इतर चार्जेसमध्ये बदल करण्यात आला आहे. या बँकेच्या ग्राहकांना आता बँकेच्या शाखेत चेकच्या माध्यमातून केवळ 4 वेळा व्यवहार करता येतील. अर्थात एवढाच व्यवहार मोफत राहील. यानंतर पैसे काढणे किंवा जमा करण्यासाठी प्रत्येकवेळा 150 रुपये अतिरिक्त चार्ज द्यावा लागणार आहे.

ATM च्या माध्यमातून आपण 6 मेट्रो शहरांमध्ये महिन्यातून केवळ 3 वेळा व्यवहार करू शकता. नॉन-मेट्रो शहरांमध्ये 5 वेळा मोफत व्यवहार करता येतील. यानंतर तुम्हाला चार्ज द्यावा लागेल. मेट्रो शहरांमध्ये अतिरिक्त एटीएम व्यवहारांसाठी 20 रुपये तर इतर शहरांमध्ये प्रत्येकवेळा 8.50 रुपये कापले जाणार आहेत.

ATM मधून पैसे काढणे महाग
1 अगस्त पासून एटीएम चार्जेस वाढवून 17 रुपये करण्यात आले आहेत. यापूर्वी 15 रुपये आकारले जात होते. नॉन-फायनान्शिअल ट्रांझॅक्शनवर सुद्धा 5 रुपये ऐवजी 6 रुपये मोजावे लागणार आहेत. बँका ग्राहकांच्या सुविधेसाठी जागो-जागी एटीएम लावत असतात. इतर बँकांचे ग्राहक सुद्धा यातून पैसे काढू शकतात. मात्र, त्याची मर्यादा निश्चित करण्यात आली आहे. त्यापेक्षा अधिक वेळा व्यवहार केल्यास ग्राहकांकडून फी घेतली जाते. याला इंटरचेंज फीस असेही म्हटले जाते.

IPPB डोअर स्टेप बँकिंगसाठी पैसे मोजा
इंडियन पोस्ट पेमेंट बँक (IPPB) ची डोअर स्टेप सेवा आता मोफत नाही. त्यासाठी शुल्क द्यावा लागणार आहे. IPPB च्या माहितीनुसार, आता प्रत्येक डोअर स्टेप बँकिंग सेवेसाठी 20 रुपये + GST द्यावा लागणार आहे. यासोबतच, कुठल्याही ग्राहकाला पैसे ट्रांसफर करणे आणि मोबाईल पेमेंट इत्यादींसाठी IPPB 20 रुपये +GST शुल्क आकारणार आहे. IPPB च्या खात्यातून दुसऱ्या बँकेत पैसे ट्रांसफर करताना हा शुल्क द्यावा लागेल.

LPG सिलेंडर महागणार?
दर महिन्याच्या पहिल्या तारखेला एलपीजी सिलेंडरच्या किंमतींची घोषणा केली जाते. जुलै महिन्यात सरकारने 14.2 किलो घरगुती गॅस सिलेंडरच्या किमतीमध्ये 25.50 रुपयांची वाढ केली आहे. उल्लेखनीय बाब म्हणजे, आता सबसिडी सुद्धा नाहीच्या बरोबरीला आली आहे.

बातम्या आणखी आहेत...