आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शेअर बाजाराला झळाळी:सेन्सेक्समध्ये जुलै महिन्यात 8.6% वृद्धी, ठरली जगातील सर्वोच्च वाढ

मुंबई6 महिन्यांपूर्वी
  • कॉपी लिंक

भारतीय शेअर बाजार सेन्सेक्स आणि निफ्टीने जुलैमध्ये जगातील सर्व प्रमुख बाजारांना मागे टाकत सर्वात वेगवान वाढ नोंदवली आहे. शुक्रवारी सेन्सेक्स ७१२.४६ अंकांनी (१.२५%) वाढून ५७५७०.२५ वर बंद झाला. सेन्सेक्सची ही तीन महिन्यांतील उच्चांकी पातळी आहे. यापूर्वी २८ एप्रिल २०२२ रोजी सेन्सेक्स ५७५२१.०६ वर बंद झाला होता.

जुलैमध्ये सेन्सेक्स ४५५१.३१ अंक (८.५८%) आणि निफ्टी १३७८ अंकांनी (८.७३%) वाढला आहे. दुसरीकडे, चीनचा प्रमुख शेअर बाजार शांघाय कंपोझिट याच कालावधीत ४.२८% घसरला आहे. त्याचप्रमाणे हाँगकाँगचा बाजार हँग सेंग ७.७९% घसरला आहे. भारताच्या बाजारपेठेतील तेजी तज्ज्ञांचेही लक्ष वेधून घेत आहे. कारण विदेशी गुंतवणूकदार नफा लक्षात घेऊन गुंतवणूक सातत्याने कमी करत आहेत, तर देशांतर्गत गुंतवणूकदार सातत्याने गुंतवणूक वाढवून बाजारातील वाढ कायम ठेवत आहेत. हा कल ८ वर्षांनंतर आला आहे. कोटक एएमसीचे संचालक नीलेश शहा यांचे मत आहे की, आता परदेशी गुंतवणूकदारांनीही कमी विक्री सुरू केली आहे. ते आता खरेदीही करू शकतील, कारण त्यांना जगातील इतर बाजारपेठेत फारसा फायदा झालेला नाही. अशा स्थितीत भारतीय बाजार निर्देशांक आणखी वर चढू शकतो.

बातम्या आणखी आहेत...