आज शेअर बाजार तेजीत:सेन्सेक्स 112 अंकांनी वाढून 61,166 वर उघडला, 30 पैकी 27 शेअर्समध्ये वाढ

शेअर बाजारात आठवड्याच्या पहिल्या व्यवहाराच्या दिवशी म्हणजेच सोमवारी (8 मे) तेजी पाहायला मिळत आहे. सेन्सेक्स 112 अंकांनी वाढून 61,166 वर उघडला. त्याचवेळी निफ्टीतही 51 अंकांची वाढ झाली तो 18,120 स्तरावर उघडला. सुरूवातीच्या व्यवहारात सेन्सेक्सच्या 30 शेअर्सपैकी 27 शेअर्समध्ये वाढ झाली आणि 10 मध्ये घसरण झाली.

शेअर बाजारात मॅनकाइंड फार्माची लिस्टिंग आज
फार्मास्युटिकल कंपनी मॅनकाइंड फार्माचे शेअर्स आज बाजारात सूचिबद्ध होणार आहेत. मॅनकाइंड फार्माच्या आयपीओला गुंतवणूकदारांकडून जोरदार प्रतिसाद मिळाला. IPO 15 पेक्षा जास्त वेळा सबस्क्राइब झाला. मॅनकाइंड फार्माने आयपीओद्वारे 4326.35 कोटी रुपये उभे केले आहेत. IPO ची किंमत 1026-1080 रुपये होती. IPO चे लॉट साइज 13 शेअर्स आहे.

कोल इंडियाचा नफा चौथ्या तिमाहीत झाला कमी
कोल इंडियाने त्यांचे Q4FY23 म्हणजेच चौथ्या तिमाहीचे (जानेवारी-मार्च) निकाल 7 मे रोजी जाहीर केले. या तिमाहीत कंपनीचा निव्वळ नफा वर्ष-दर-वर्ष (YoY) 18% ने घसरून 5,528 कोटी रुपये झाला आहे. तथापि, संपूर्ण FY23 साठी, कंपनीच्या नफ्यात 62% ची वाढ झाली आहे आणि तो 28125 कोटी रुपयांवर पोहोचला आहे. वित्तीय वर्ष 22 मध्ये कंपनीला 17378 कोटी रुपयांचा नफा झाला होता.

FY23 च्या चौथ्या तिमाहीत कंपनीचा महसूल 38,152 कोटी रुपये होता, जो FY22 च्या याच तिमाहीत 32,709 कोटी रुपये होता. याचा अर्थ कंपनीचा महसूल वार्षिक आधारावर (YOY) 17% वाढला आहे.

शुक्रवारी बाजारात होती घसरण
याआधी शुक्रवारी म्हणजेच 5 मे रोजी देशांतर्गत शेअर बाजारात घसरण झाली होती. सेन्सेक्स 694 अंकांनी घसरून 61,054 वर बंद झाला. त्याचवेळी निफ्टीही 186 अंकांनी घसरला. तो 18,069 च्या पातळीवर बंद झाला. सेन्सेक्समधील 30 समभागांपैकी 20 घसरले आणि 10 वाढले.