आक्रमक भूमिका:व्याजदर वाढल्याने दुसऱ्याही दिवशी शेअर बाजार घसरला; सेन्सेक्स 461 अंक खाली

विविध देशांत व्याजदर वाढल्याने देशांतर्गत शेअर बाजारात शुक्रवारी दुसऱ्या दिवशी घसरण दिसून आली. सेन्सेक्स ४६१ अंकांच्या नुकसानीसह ६१,३३८ वर बंद झाले. निफ्टीमध्ये १४६ अंकांची कमजोरी दिसून आली. तो १८,२६९ वर बंद झाला. जागतिक बाजारात कमजोरीदर‌म्यान विविध देशातील केंद्रीय बँकांच्या दरात वाढीचा आक्रमक कल पाहून बाजार खाली आला. बाजारातील तज्ज्ञांच्या मते, फेड रिझर्व्हच्या ०.५% वाढीनंतर, युरोपियन सेंट्रल बँक आणि बँक ऑफ इंग्लंडनेही व्याजदरात समान वाढ जाहीर केली.

त्याचबरोबर महागाई नियंत्रणात आणण्यासाठी दरवाढीबाबत आक्रमक भूमिका कायम ठेवण्याचे संकेत दिले. तथापि, मध्यवर्ती बँकांच्या आक्रमक भूमिकेमुळे जागतिक अर्थव्यवस्थेच्या आरोग्याबद्दल चिंता निर्माण झाली. दुपारपूर्वी देशांतर्गत बाजारांनी तोट्यातून सावरण्याचा प्रयत्न केला. परंतु जागतिक समर्थनाअभावी देशांतर्गत शेअर बाजार तोट्यासह बंद झाले. या आठवड्यात सेन्सेक्स ८४४ अंक (१.३६%) आणि निफ्टी २२८ अंक (१.२३%) घसरला.