आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

या आठवड्यात शेअर बाजारात तेजीची अपेक्षा:टाटा स्टील-SBIसह 5 समभागांत करा गुंतवणूक; तुम्हाला मिळेल चांगला परतावा

नवी दिल्ली2 महिन्यांपूर्वी
  • कॉपी लिंक

शेअर बाजाराने गेल्या आठवड्यात अनेक नवे विक्रम प्रस्थापित केले. मात्र, सलग 8 दिवसांच्या तेजीनंतर शेवटच्या व्यवहाराच्या दिवशी बाजार घसरणीत बंद झाला होता.

आता पुढील आठवड्यातही शेअर बाजारात तेजी पाहायला मिळण्याची शक्यता आहे, असे बाजारातील जाणकारांचे मत आहे. दरम्यान, IIFL सिक्युरिटीजचे उपाध्यक्ष (कमोडिटी आणि चलन) अनुज गुप्ता यांनी टाटा स्टील आणि ओएनजीसीसह 5 समभागांमध्ये गुंतवणूक करण्याचा सल्ला दिला आहे.

अनुज यांच्या मते, या शेअर्समध्ये गुंतवणूक करून गुंतवणूकदार पुढील आठवड्यात खूप चांगला नफा कमवू शकतात. चला जाणून घेऊया या 5 स्टॉक्सबद्दल...

गेल्या आठवड्यात शेअर बाजार कसा होता?
गेल्या आठवड्यात शेअर बाजारात तेजी होती. गेल्या पाच दिवसांत सेन्सेक्स 482.24 अंकांनी म्हणजेच 0.77% वाढला. निफ्टी 176.50 अंकांनी म्हणजेच 0.95% वाढला होता. त्याच वेळी, आठवड्याच्या पाचव्या आणि शेवटच्या व्यवहाराच्या दिवशी म्हणजे शुक्रवारी (2 डिसेंबर) बाजारात घसरण झाली. सेन्सेक्स 415 अंकांच्या घसरणीसह 62,868 च्या पातळीवर बंद झाला. निफ्टी 116 अंकांनी घसरून 18,696 च्या पातळीवर पोहोचला. बाजारात सलग 8 दिवसांच्या तेजीनंतर ही घसरण झाली.

1 डिसेंबर रोजी बाजाराने सर्वकालीन उच्चांक गाठला
यापूर्वी 1 डिसेंबर रोजी बाजाराने नवा विक्रम केला होता. व्यवहारादरम्यान, सेन्सेक्सने 63,583.07 चा नवा सर्वकालीन उच्चांक गाठला. यानंतर तो 184 अंकांच्या वाढीसह 63,284 च्या पातळीवर बंद झाला. यासह सेन्सेक्सनेही आपला नवा बंद उच्चांक गाठला.

निफ्टीनेही नवीन सार्वकालिक उच्चांक गाठला
त्याचवेळी निफ्टीनेही नवा सार्वकालिक उच्चांक आणि बंद होणारा उच्चांक केला. व्यवहारादरम्यान निफ्टीने 18,887.60 चा स्तर गाठला होता. त्यानंतर ्तो 54 अंकांच्या वाढीसह 18,812 च्या पातळीवर बंद झाला.

बातम्या आणखी आहेत...