आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

महागाई 8 वर्षांच्या उच्चांकावर:एप्रिलमध्ये किरकोळ महागाई 7.79 टक्क्यांवर, खाद्यपदार्थांपासून बूट व कपड्यांपर्यंत सर्वच महागले

नवी दिल्ली4 दिवसांपूर्वी
  • कॉपी लिंक

एप्रिलमध्ये महागाईमुळे सर्वसामान्यांना चांगलाच झटका बसला आहे. खाद्यपदार्थांपासून तेलाच्या वाढत्या किमतींमुळे महागाईने 8 वर्षातील उच्चांक गाठला आहे. गुरुवारी जाहीर झालेल्या सरकारी आकडेवारीनुसार, ग्राहक मूल्य निर्देशांक (CPI) आधारित किरकोळ महागाई मार्चमध्ये 7.79% पर्यंत वाढली आहे.

सलग चौथ्या महिन्यात महागाई दर आरबीआयच्या मर्यादेपेक्षा जास्त

सलग चौथ्या महिन्यात महागाई दराने RBI ची 6% वरची मर्यादा ओलांडली आहे. किरकोळ महागाई फेब्रुवारी 2022 मध्ये 6.07%, जानेवारीमध्ये 6.01% आणि मार्चमध्ये 6.95% नोंदवली गेली. एप्रिल 2021 मध्ये किरकोळ चलनवाढीचा दर एका वर्षापूर्वीच्या तुलनेत 4.23% होता. अलीकडेच, रिझव्‍‌र्ह बँकेने या आर्थिक वर्षाच्या पहिल्या पतधोरण बैठकीनंतर, पहिल्या तिमाहीत महागाईचा अंदाज 6.3%, दुसऱ्या तिमाहीत 5%, तिसर्‍यामध्ये 5.4% आणि चौथ्या तिमाहीत 5.1% इतका वाढवला. यानंतर, आणीबाणीच्या आर्थिक धोरणाच्या बैठकीत महागाईच्या चिंतेमुळे व्याजदरात 0.40% वाढ करण्याचा निर्णय घेतला आहे.

CPI म्हणजे काय?
जगभरातील अनेक अर्थव्यवस्थेसाठी WPI (घाऊक मूल्य निर्देशांक) हा महागाई मोजण्यासाठी आधार मानतात. मात्र, भारतात केवळ एकच आधार मानला जात नाही. आपल्या देशात, WPI सोबत, CPI देखील महागाई रोखण्याचे प्रमाण मानले जाते. रिझर्व्ह बँक ऑफ इंडिया मौद्रिक आणि पतसंबंधित धोरणे ठरवण्यासाठी किरकोळ महागाईला मुख्य मानक मानते, घाऊक नाही. अर्थव्यवस्थेच्या स्वरूपानुसार WPI आणि CPI एकमेकांवर परिणाम करतात. त्यामुळे WPI वाढेल्यानंतर CPI देखील वाढेल.

किरकोळ महागाईचा दर कसा ठरवला जातो?
किरकोळ महागाई मोजण्यासाठी, कच्चे तेल, वस्तूंच्या किमती, उत्पादन खर्च यासारख्या इतर अनेक गोष्टी, ज्या किरकोळ महागाईचा दर ठरवण्यात महत्त्वाची भूमिका बजावतात. अशा सुमारे 299 वस्तू आहेत, ज्यांच्या किमतीच्या आधारावर किरकोळ महागाईचा दर ठरवला जातो.

बातम्या आणखी आहेत...