आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Business
  • Twitter Data Hacked; Israeli Experts Claim | Email Addresses Leaked | Elon Musk | Twitter

ट्विटरवरून 20 कोटी युजर्सचे ईमेल ॲड्रेस लीक:सोशल मीडियावर फोटो व्हायरल, गेल्या आठवड्यात 40 कोटी लोकांचा डेटा चोरीला

एका महिन्यापूर्वी
  • कॉपी लिंक

तुम्ही ट्विटर वापरत असाल तर ही बातमी तुमच्यासाठी आहे. गुरुवारी ट्विटरवरून 20 कोटींहून अधिक वापरकर्त्यांचे ईमेल ऍड्रेस चोरीला गेले आहेत. इस्रायलची सायबर सुरक्षा कंपनी हडसन रॉकने ही माहिती दिली आहे. कंपनीचे सह-संस्थापक अॅलन गाल यांच्यानुसार, हा डेटा ऑनलाइन हॅकिंग फोरमवर पोस्ट केला गेला आहे. सध्या ट्विटरने यावर कोणतीही प्रतिक्रिया दिलेली नाही.

गाल यांनी सांगितले की, या डेटा ब्रीचमुळे हॅकिंग, टार्गेट फिशिंग आणि डॉक्सिंग होईल. पुढे ते असेही म्हणाले की, हा आतापर्यंतचा सर्वात मोठा डेटा ब्रीच आहे.

युजर्सने शेअर केलेले स्क्रीनशॉट
ब्रीच-नोटिफिकेशन साइट हॅव आय बीन पॉन्डने अनेक ट्विटर युजर्सला ईमेल सूचना पाठवल्या आहेत. या सर्वांचे ईमेल ऍड्रेस लीक झाले आहेत. त्याचे स्क्रीनशॉटही सोशल मीडियावर व्हायरल होत आहेत. अधिसूचनेत म्हटले आहे - तुमचा ईमेल ऍड्रेस एक्स्पोज झाला आहे. आम्ही तुम्हाला हे सॉल्व्ह करण्याचा सल्ला देत आहोत.

गेल्या आठवड्यातच हा इशारा देण्यात आला होता
हडसन रॉकने गेल्या आठवड्यात चेतावणी जारी केली होती की आयरिश हॅकरकडे 400 दशलक्ष ट्विटर वापरकर्त्यांचे ईमेल पत्ते आणि फोन नंबर आहेत. यासाठी हॅकरने 1 कोटी 63 लाखांची रक्कम मागितली होती. ज्या लोकांचा डेटा हॅक करण्यात आला त्यांच्या खात्यांमध्ये बॉलीवूड अभिनेता सलमान खान, गुगलचे सीईओ सुंदर पिचाई आणि अमेरिकेचे माजी राष्ट्राध्यक्ष डोनाल्ड ट्रम्प यांसारख्या अनेक हाय-प्रोफाइल लोकांच्या खात्यांचा समावेश आहे. यानंतर ट्विटरने तपास सुरू केला.

ट्विटरवर खुलेआम सेक्सचे दुकान : कायदा मोडणारी ट्विटरची पॉलिसी…सहमतीच्या सेक्सचा व्हिडिओ ट्वीट करू शकता

'मी 35 वर्षांची आहे...आणि तू?'

'माझ्याशी मैत्री करशील का?'

'मला बॉयफ्रेंड हवाय... कोणी आहे का?'

हे एखाद्या सी-ग्रेड चित्रपटातील संवाद नाहीत…हे ते ट्विट आहेत जे ट्विटर या सोशल मीडिया प्लॅटफॉर्मवर पॉर्न व्यवसायासाठी विंडो शॉपिंग म्हणून वापरले जातात. सविस्तर बातमी येथे वाचा...

बातम्या आणखी आहेत...