घोषणा:वर्षानुवर्षे इनअ‌ॅक्टिव्ह खाते बंद करणार ट्विटर; मस्क म्हणाले- यामुळे अनेक यूझर्सच्या फॉलोअर्सची संख्या होईल कमी

सोशल मीडिया प्लॅटफॉर्म ट्विटर आता ते अकाऊंट बंद करणार आहे, जे ट्विटर खाते अनेक वर्षांपासून कोणतीही अॅक्टिव्हिटी करत नाही. कंपनीचे सीईओ एलन मस्क यांनी सोमवारी ही माहिती दिली. ते म्हणाले की यामुळे अनेक वापरकर्त्यांच्या फॉलोअर्सची संख्या कमी होऊ शकते.

मात्र, ते कधीपर्यंत पूर्ण होणार याबाबत मस्क यांनी अद्याप माहिती दिलेली नाही. ट्विटरच्या धोरणानुसार, प्रदीर्घ निष्क्रियतेमुळे खाते कायमस्वरूपी काढून टाकणे टाळण्यासाठी वापरकर्त्यांनी दर 30 दिवसांतून एकदा तरी त्यांच्या खात्यांमध्ये लॉग इन करणे आवश्यक आहे.

या महिन्याच्या सुरुवातीला, नॅशनल पब्लिक रेडिओने ट्विटर लेबलच्या निषेधार्थ त्याच्या 52 अधिकृत ट्विटर फीडवर सामग्री पोस्ट करणे थांबवले. अशा परिस्थितीत, मस्क यांनी सार्वजनिक प्रसारकाला धमकी दिली की ते नॅशनल पब्लिक रेडिओद्वारे ट्विटर खाते दुसर्‍या कंपनीकडे दिले जाईल.

ट्विटर डिलिट करणार 150 कोटी खाते
याआधी मस्क यांनी करोडो निष्क्रिय ट्विटर अकाऊंट काढून टाकण्याची घोषणा केली होती. मस्क यांनी 9 डिसेंबर 2022 रोजी एका ट्विटमध्ये लिहिले, 'ट्विटर लवकरच 1.5 अब्ज (150 कोटी) खात्यांची जागा मोकळी करेल'

जागा मोकळी असेल, पण यूझर्स बेस होईल कमी
मस्क यांच्या निर्णयामुळे अशा यूझर्सला फायदा होईल ज्यांना विशिष्ट वापरकर्ता नाव हवे आहे. परंतु ते मिळू शकले नाही कारण कोणीतरी ते आधीच घेतले आहे. परंतू ते वापर करत नाही. मस्क यांच्या निर्णयामुळे जागा मोकळी होईल, पण त्यामुळे ट्विटरची यूझर्सची संख्याही कमी होईल.