आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Business
  • Unlock Effect On The Flight Route : Passengers Increased In July, With 4,000 More Flights Per Day Than In June

अनलॉकचा परिणाम उड्डाणे मार्गावर:जुलैत वाढले प्रवासी, जूनच्या तुलनेत रोज 4 हजार जास्त लोकांचे उड्डाण

नवी दिल्लीएका महिन्यापूर्वी
  • कॉपी लिंक
  • 21.07 लाख लोकांचे उड्डाण, जूनमध्ये 19.84 लाख, खासगी एअरलाइन्स फायद्यात

देश अनलॉक होत असताना विमान प्रवास करणाऱ्या प्रवाशांच्या संख्येत हळूहळू वाढ होत आहे. याच कारणामुळे रोज जवळपास ४ हजार लोकांनी जास्त प्रवास केला. महिन्याच्या एकूण २१.०७ लाख लोकांनी विमान प्रवास केला. याआधी जून महिन्यात १९.८४ लाख लोकांनी हवाई प्रवास केला होता. विमान नियामक डीजीसीएकडून गुरुवारी जारी केलेल्या अहवालात ही माहिती समोर आली. अहवालानुसार जुलैमध्ये १.२३ लाख लोकांनी जास्त प्रवास केला. सध्या रोज सुमारे ९०० विमाने उड्डाण करतात आणि यामध्ये ८० ते ८५ हजार लोक प्रवास करत आहेत. एकूण विमानांच्या हालचाली १८०० च्या जवळपास आहेत. विमानतळावरील वर्दळ सुमारे १.५ लाखाहून अधिक झाली आहे. जुलैमध्ये प्रवासी हिस्सा खासगी एअरलाइन्सचा ९०.९ टक्के राहिला, एअर इंडियाचा ९.१ टक्के राहिला. दुसरीकडे, जूनमध्ये खासगी एअरलाइन्सची बाजारातील भागीदारी ८७.२ टक्के आणि एअर इंडियाची १२.८ टक्के होती. याच पद्धतीने सुमारे ३ टक्के कमी झाली आहे. दुसरीकडे, सर्वात जास्त प्रवासी हिस्सा इंडिगोचा ६० टक्क्याच्या जवळपास राहिला. जूनच्या तुलनेत इंडिगोचा बाजारातील वाटा सुमारे ८ टक्के वाढला आहे. जूनमध्ये ५२ टक्के होता. एअर इंडियाचा बाजारातील हिस्सा जूनच्या तुलनेत घटला आहे. जूनमध्ये १२.२ टक्क्यांच्या तुलनेत जुलैमध्ये ९.१ टक्के राहिला आहे. एकूण तक्रारींमध्ये सर्वात जास्त तक्रारी ८७ टक्के परताव्याशी संबंधित होत्या. एकूण प्राप्त ३७८ तक्रारींमध्ये ३३७ एअर इंडिया समूहाच्या राहिल्या. दुसरीकडे, दुसरा क्रमांक स्पाइसजेटच्या १९ तक्रारी राहिल्या. ६०% बाजार हिश्श्याची एअरलाइन्स इंडिगोच्या केवळ ९ तक्रारी आल्या.

0